Mga kalambuan sa pagmados ni Kris...

Guba na pud ang nawong ni Kris Aquino dihang milabay sila si Manay Cristy Fermin ug Boy Abunda sa iyang dressing room niadtong miaging adlaw.

Suma pa ni Manay Cristy, kolumnista sa PangMasa, sinati na kaayo nila ang actress-TV host, sigurado gyud nga aduna na puy natimahuan si Kris nga wala maoyuni.

Gani, pong pa ni Manay Cristy nga sila sa iyang higala nga si Boy Abunda nag-ilis na og pahumot kung Domingo sa hapon kay ang gusto ni Kris nga baho ang kadtong giwisik-wisik nila. Nagpadala na gani ang Rustan's sa iyang labing ganahan nga Green Tea.

Dugang pa ni Manay Cristy, puro man gud panglalake ang ilang pahumot, wala pa sila nakasuway gamit og pangbabaye kay para sa ilaha mas humot ug dugay mawala ang baho sa panlalake nga pahumot.

Apan maguba gihapon ang nawong ni Kris kung matimahuan sila, bisan pa man gani ang iyang suod nga higala nga si Boy kusmuran sa nawong kay dili ang iyang paborito nga pahumot ang gigamit niini.

Sa laing bahin, nabati sad diay sa Rustan's ang reklamo ni Kris sa kahanginan, maong pag-Domingo, asuy pang Manay Cristy, una nagsugod ang The Buzz, nakadawat sila og regalo gikan sa Rustan's, Green Tea nga Elizabeth Arden.

Matud pa ni Manay Cristy, matag Domingo lang nila gamiton kadto, ila lang uyonan ang hilig sa buntis nga babaye. Tutal nangala pa man si Kris karon ug daghan tuod ang mga butang nga dili masabtan sa babaye nga mabdos.

Tsika pa ni Manay Cristy sa PangMasa, natinuod gyud ang ilang panagna nga maong nagkusmod si Kris tungod sa iyang natimahuan nga dili niya gusto. Aduna pa'y mitagad ug mihawk kaniya nga baho para kaniya ang pahumot apan dili mana sad niya puwede ingnon sa tanang tawo nga iyang mahimamat nga Green Tea usab unta ang ilang gamiton.

Hilabi na gyud karon, ang pagsuka ni Kris dili sa gabie na lang, aduna na usab siya'y morning sickness. Pagmata pa lang sa aktres maglain na iyang tiyan. Bisan pa man gani inig udto, mao gihapon iyang bation. Wala na siya'y gikaon karon nga dili niya isuka. Wala nay puti-puti niya karon kay tanan niyang makaon iya ra sab isuka human molabay ang pila ka minuto.

Miingon si Manay Cristy nga tanan na lang nga mahinabi ni Kris iya gyud pangutan-on kabahin sa unsa'y ilang gibuhat kaniadto'ng nagmabdos sila tungod kay buot niya nga makakuha og daghan nga mga ideya gikan kanila.

Sa una dili gyud isuka ni Kris ang mga prutas ug cereals nga iyang gikaon apan karon, wala na gyu'y gipili, pagkaon pa lang niya, iya dayon isuka.

"Haaay!!! Kailan kaya titigil ang vomiting ko! Ang hirap-hirap na, hindi kaya girl ang baby ko?" pagpadayag ni Kris ngadto kang Manay Cristy.

Sa January pa mahibaw-an nila ni James Yap kung babaye o lalake ba ang ilang umaabot nga anak. Suma pang Manay Cristy nga gusto gani bitaron na sa basketbolista ang panahon, excited na kining mahibaw-an kung aduna na ba siya'y junior.

Samtang, makalingaw usab si Josh, matag hapyod niini sa tiyan ni Kris, pirmi gyud niyang isulti, "There's a baby inside!"

Pirmi karon'g nagkuyog-kuyog si Josh sa mga taping ni Kris, gidaginot na lang sa ilang kinamagwangan ang panahon, kay kung manganak na ang naulahi sigurado nga matunga na ang ilahang atensyon kang Josh ug sa ilang baby.

Paw ug Jay "close friends"

Tinuod kaha ang mga tsismis sa internet nga mabdos ang ABS-CBN Star Magic talent nga si Paw Diaz? Ang amahan sa bata matud pa mao si Jay Justiniani, ang lead vocalist sa Cueshe?

Apan si Myke Sarthou, manager sa Cueshe perting buhakhak sa dihang gipangayuan og reaksyon sa Banat Hugyaw kagahapon tungod kay matud pa niya dili tinood ang maong balita.

Miingon si Myke nga walay lingaw ang mga reporters sa kauluhan hinungdan nga nagmugna ang mga nahisgutan sa maong balita.

Gitin-aw hinuon ni Myke nga kanunay nga magkuyog karon si Paw ug Jay gumikan kay suod nga managhigala ang duruha apan midugang usab ang nahisgutang manager nga wala siya masayod unsay real score tali sa duruha.

"Mag cge manag kuyog silang duha. Close man sila pero dili buntis oy," paniguro pa ni Mike.