Pia ug Vic, nakatabang sa S-Files

Nakatabang og dako ang pag-angkon ni Pia Guanio ug Vic Sotto sa tinood nilang relasyon sa usa ka exclusive sa "S Files" tungod kay for the first time, human milabay ang tulo ka buwan, misaka pag-usab ang rating sa nahisgutan'g show batok sa kaatbang niini nga programa.

Ang maong pag-angkon sa duha ang nahimong main attraction sa talk show ug scoop gayud ang istorya kay nakuhaan pa sa camera ang mga sweet moments nila ni Pia ug Vic, diin ang beterana nga kolumnista sa PangMasa Manay Lolit Solis ang mihimo sa interview.

Kadaghan na sila'ng nakita nga naggakos ug nagparayganan sa set apan human sa ilang pag-angkon dili na nila kinahanglan nga magtago-tago pa.

Nadine "nalokah" sa bata

Naningkamot karon pagmaayo si Nadine Samonte nga makat-onan ang mga lihok sa batang aktres nga midala sa role nga Lorraine sa "Bakekang." Suma pa niya sa PangMAsa, maboang gyud siya sa pagka-maldita sa child actress sa nahisgutan'g soap Opera sa GMA-7.

"Noong pinanood ko 'yung bata, natural na natural ang pagkamaldita. Iniisip ko tuloy na ganyan pala ang role ko. Kaya dapat obserbahan ko 'yung bata kasi baka hindi ko ma-reach 'yung level ng kamalditahan niya sa show. Sa totoo lang, nakaka-challenge 'yung bata. Baka ma-compare ako sa kanya kapag lumabas na ako bilang dalagang Lorraine,"pong pa ni Nadine ngadto sa PangMasa.

Hapit na magsugod og taping si Nadine para sa una niyang eksena sa Bakekang. Murag debut ang iyang eksena kay ipailaila siya ni Sheryl Cruz (isip Valeria sa Bakekang) sa tanan isip bag-ong artista nga atangan ug hangdon.

Samtang dungan sa pagkadalaga ni Lorraine sila si Kristal (Lovi Po) ug Charming (Yasmein Kurdi). Maong padayon gihapon ang panag-away ni Valeria ug Bakekang (Sunshine Cruz).

LJ ug Oyo Boy na

Suwerte sa gugma ug suwerte pa gyud sa career ang Starstruck 2 first runner-up nga si LJ Reyes.

Pagkahuman mipahibaw sa PangMAsa si Ms. Malou Choa-Fagar sa TAPE, Inc. nga magpa-audition sila sa bag-ong ka-love team ni Oyo Boy Sotto sa bag-ong daily afternoon drama nga "Humalik Ka Sa Lupa,"( kini mao ang iilis sa "Pinakamamahal" nga mag-finale na karong November 3),nasayran nga si LJ ang napili isip kapares ni Oyo.

Big break kini para kang LJ nga first time makatrabaho si Oyo Boy. Sayang lang kay anaa sa "Pinakamamahal" ang iyang boyfriend nga si Alfred Vargas maong dili na puwede malakip sa cast.

Dugang pa niana, naka-ready na si Alfred sa paglupad padulong sa Malaysia tungod kay mahinayon na ang ilang taping sa usa ka episode sa "Now and Forever," diin usa ka Malaysian actress ang iyang mapares.