Pagka amgo nako

Pila na ka adlaw nga dili gyod ko mohuman og tan-aw sa "Willie of Fortune" portion sa WOWOWIE, niadtong miaging semana nga ang mga contestants mga construction workers, mga labandera ug mga bata nga namaligya'g scrap iron, kay samtang nagsud-ong ko nila, ug naminaw sa ilang kasinatian sa kinabuhi, dili gyod nako kapugngan nga motubod ang akong mga luha ug usahay makaingon gyod ko, "Lord, thank you so much kay karon, nakaamgo na gyod ko nga, bisan sa akong kakabos ug sa mga kapaitan nga ako pod nga nasinati, naa pa gyod diay mas unfortunate kay kanako…!" Can you imagine mga manash, mga construction worker, mapugos sa pagbilin sa ilang one year old nga bata, kay gibiyaan sa inahang mikuyog sa laing lalaki, ug mga bata, bisag gusto sad untang moeskuyla, mapugos pagpangitag mga scrap iron, aron makadala sa balay og P20.00 para ikapalit og bugas, kay mibiya pod ang ilang amahan ug napulo sila ka magsuon, kay mahadlok nga mag-birth control, kay miingon man sad kono ang pari nga sala ang mag-birth control? Unya, dili pa sad dugay, ingon atong mga adlawa, nakabasa ko sa The Freeman [Community Page, page 20, October 6] nga si Dulce modawat og award sa St. Paul College, pero samtang nagbasa ko, gibalita sad ni Jun Perez sa DYAB, nga usa ka Amy gidakop sa usa ka buy bust operation. Unsay relevance?

Kini's Amy pag-umangkon ni Dulce, anak sa iyang maguwang ug dako na kaayo ang naggasto ni Dulce ani niya, tungod sa dako niyang pagsalig, kay gitugyanan gani unta ni Dulce og usa ka negosyo nga wa gyod mahigayon. Amo raba unta tong negosyo ni Dulce. Pero bisan pa sa kapalpakang nahimo ni Amy, kay wa man magpalandong si Dulce nga drug user diay ni siya, bisa'g nakig-live in og usa ka ex-convict, nagpakitabang si Dulce sa mga suod niyang higala sama nilang Vice Mayor Michael Rama, Congresswoman Nerissa Soon Ruiz ug kanako sa dihang nanawag si Amy ni Dulce, kay kono, under survillance siya ug gi-planteran. Nangayo gyog pasaylo si Dulce sa mga higala niya sa dihang na-confirm niyang drug user diay si Amy. Ingon sad atong mga panahona nga na-confirm nga, nag-file og annulment ang asawa ni Willie, pero bisan pa, nagpadayon gihapon ang pagtabang ni Willie sa mga unfortunate, bisa'g deep deep down in his heart, siya sad unfortunate ug alang nako, mas fortunate pa sad gyod diay ko, di ba, Divine Sanchez Hizon Ngujo?