Glydel aktibo na

Back in shape na si Glydel Mercado hinungdan nga balik na usab siyag kaaktibo sa showbiz.

Nasayran sa PangMasa nga si Glydel ug ang iyang bana nga si Tonton Gutierrez maoy labing bida sa upcoming teleserye sa ABS CBN, My Destiny.

Sama sa nabalita na dinhi sa Banat Hugyaw makauban sa magtiayon sila si Gloria Diaz ug ang mga young stars nga sila si Kim Chiu, Gerald Anderson ug Erich Gonzales.

Kahinumduman nga kapin sa duha ka tuig usab nga nawala sa showbiz circle si Glydel tungod kay human sila nagpakasal ni Tonton, namabdos man dayon siya. Pagpanganak na niya, iya unang gi-enjoy ang iyang pagka inahan. Si Tonton sa laing bahin maoy aktibo tungod kay apil man usab siya sa Bituing Walang Ningning isip amahan ni Sarah Geronimo.

Ipaila na ni Regine?

Daghan ang nagpaabot ug nangutana kon hingpit na ba gayud nga ipaila ni Regine Velasquez ngadto sa publiko ang iyang gipanghambog nga boyfriend sulod na sa upat ka tuig, karong October 14 sa iyang concert sa Araneta Coliseum?

Ang mga himantayon nga nahinabi sa PangMasa miingon nga karon ang tukmang panahon nga buhaton kini sa Asia's Songbird.

Nasayran nga ang nahisgutang concert pahinungod sa ika 20 na katuig ni Regine sa industriya.

Kinsay nasayod nga ang Asia's Songbird unang naila kaniadto isip Chona Velasquez tungod kay ang tinood niyang ngalan mao ang Maria Encarnacion Velasquez?