Gardo-Jean in talking terms na

Giangkon ni Gardo Versoza nga nataha sila sa usag-usa ni Jean Garcia sa first taping day nila sa "Atlantika".

Kahinumduman nga kanhi dunay relasyon ang duruha apan kalit sila nga nagbuwag sa wala pa matino nga hinungdan hangtud karon.

Si Gardo nga nahinabi sa PangMasa namahayag nga dili na siya buot hisgutan pa ang ilang kagahapon ni Jean tungod kay matud pa niya humana ang maong chapter sa iyang kinabuhi.

"Ewan ko nga lang kung bakit nailang kami pareho nung first taping day at hindi kami nag-usap. Pero okay na ngayon, nag-uusap na kami."

Matud ni Gardo, maayo ang ilang panagbuwag ni Jean ug karon nga apil sila sa Atlantika isip rayna ug hari ang mga papel nga gidala, miingon si Gardo nga "trabaho na lang walang personalan," diin iya usab nga gipamahayag nga hanap na ang posibilidad nga magkabalik pa sila isip managhinigugmaay.

Iwa pasaway no more

Nikatawa na lang si Iwa Moto tungod kay aduna pa gihapon nagsigi og suwat nga "pasaway" gihapon siya. Matud niya dili na siya mutubay niini kay wala kini katinuoran. "Saan na naman ako naging pasaway?, sana mag-isip na sila ng ibang idi-describe sa akin kasi parang paulit-ulit na lang 'yan. Basta ako, work lang nang work. Wala akong ginagawang masama at parati akong nagtatrabaho na mabuti. Kung sinasabi nila na gumigimik pa rin ako, hindi totoo kasi wala na po akong time para gumimik pa. Itutulog ko lang 'yung makukuha kong libreng oras," tubag pa niya ngadto sa PangMasa.

Sakto si Iwa tungod kay tibook semana makita siya sa TV, gikan sa Lunes hangtud Biyernes gawas nga naa siya sa Bakekang, kada Miyerkules regular siya sa Nuts Entertainment, pagka-Sabado usa siya sa bida sa Posh sa QTV 11 nga nagsugod na sa ilang second session.

Pagka-Domingo naa sa S.O.P Gigster si Iwa ug sa Love To Love: Jass Got Lucky. Pwes nangutana siya unsaon pa man niya pag-gimik? "Nagpa-good girl na nga ako. Sana 'yun naman ang makita nila sa akin at hindi 'yung pagiging pasaway ko dati".