Kris himili nag pagkaon...

Nagbaha ang mga mensahe sa telepono karon sa beteranang kolumnista sa PangMasa Manay Cristy Fermin, ang tanan buot magpakisayod sa labing uwahing kalambuan sa pagmabdos karon ni Kris Aquino.

Busa gibutyag ni Manay Cristy nga niadtong milabay nga adlaw nagpapalit si Kris og lumpia sa iyang sekretarya nga si Cynthia Espiritu. Suma pa ni Tita Cristy, good luck na lang, may lag kaunon ni Kris ang lumpia nga naa man kini ahos.

Sama sa naingon pa ni Tita Cristy, wala gayud kan-a ni Kris ang lumpia. Iya lang kini gitan-aw ug daling nakatimaho sa baho sa ahos ug daling nawala ang gana ni Kris sa pagkaon.

Dili gayud gusto ni Kris ang makatimaho og ahos hilabi na kung kini giprito o gigisa, sakto lang kini aron makasuka siya. Pilian karon si Kris sa matang sa pagkaon. Pulos puti nga mga pagkaon iyang gusto ug pirmi siya karong mo inom og non-fat nga gatas aron bisan og dili man siya mokaon, aduna gihapo'y sulod ang iyang tiyan.

Samtang adunay pangutana nga nadawat sila Tita Cristy nga nagkanayon, "Sister, ano kaya ang magiging design ng maternity dress ni Kris? Will she continue to wear sexy dresses, kahit preggy na siya?"

Tubag pa ni Kris sa dihang nakakita siya sa maong text message, "Now pa lang, meron na akong designs na naka-ready. Hindi na nga lang ganun ka-revealing, but it's still sexy-looking, kahit pa buntis na ako."

Sa laing bahin, walay kabutangan sa kalipay karon ang MVP nga si James Yap. Pong pa ni Manay Cristy daan nang maasikasuhon si James sa iyang asawa pero karon mas dako ang atensyon nga iyang gipadayag diha kang Kris.

"Nilalagnat kaming lahat. Una, si Josh ang nagkasipon, sumunod, siya naman. Sumunod, ako naman. Puro kami bagsak, ngayon pa lang kami bumabawi," istorya pa sa basketbolista.

Mubarog lang gani si Kris, mabatyagan na gyud nimo ang grabeng pagtutok ni James sa iyaha. Kung mokaon man gani kini, muhunong gayud siya ug mo alalay sa aktres kung mo barog na.

Matud pa ni Tita Cristy nga murag ila na gyud na-imagine kung unsa ang itsura ni James kung ugaling manganak na si Kris, sigurado gayud nga mag lipot-lipot kini. Dili man literal nga makita nga manigarilyo si James, wala man usab kini bisyo, sigurado'ng dako gayud ang tensyon nga mabati niya.

Lalaki ang gusto nga anak ni James. Hinuon, natural lang sa mga lalake nga lalake ang gusto nila nga maanak. Ug kung asa man gani malipayon si James, adto usab si Kris.

Tungod kay maayong basketbolista man ang amahan, sigurado'ng tudluan dayon ni James ang ilang anak, sama ni Josh. Kahibawo na kini mag-basketball tungod sa pagkuyog-kuyog ni James.

Aduna nay dugang nga inspirasyon karon si James, gawas kang Kris ug ang umaabot nilang anak sa June, hapit na usab ang bag-ong conference sa Philippine Basketball Association (PBA).

"Siyempre, mas masarap lumaro ngayon dahil nagkakaron na kami ng anak, dagdag na inspirasyon ang baby, iba talaga pala ang feeling pag alam mong magkakaanak ka na! Nung nakita ko ang result ng pregnancy test niya, ako ang napasigaw, nakita ko kasi yung two liners. E, sabi niya, pag dalawang linya raw ang lumabas, buntis na siya! Kaya nung makita ko yun, ako ang napasigaw nung lumabas ako sa CR! Nakakatawa, sumisigaw talaga ako sa tuwa, dahil magkaka-baby na kami. Sabi ko sa kanya, huwag na siyang magpupuyat ngayon, kailangang mag-rest siya nang husto, dahil may baby nang umaasa sa kanya. Oo naman daw, may cut-off na siya, kailangan niya talaga'ng mag-rest, iba na ang sitwasyon niya ngayon, buntis na siya," malipayon'g pagpaambit ni James.

Katya bag-o nag image

Usa sa mga cast karon sa "Dangal" episode sa "Now and Forever" si Katya Santos, diin sila si Dennis Trillo ug Jennylyn Mercado ang bida. Matud pa niya sa PangMAsa, mao kini ang dugay na niyang gipaabot aron pag-shift sa iyang image sa mga salida.

"Hindi naman ibig sabihin ay hindi na ako magpapa-sexy. I'll still do sexy roles, sexy shows pero 'yung talagang hubaran, 'yun 'yung ayoko na coz I feel naman that I've done enough at naipakita ko na ang lahat ng puwede kong ipakita," dugang pa ni Katya.

Gani, sa dihang gi-offer ngadto kaniya ang role sa "Dangal" isip kontrabida, nasulti gayud niya sa iyang kaugalingon nga mao na kini ang iyang gihuwat.

"Gusto ko kasing maalis 'yung term na sexy actress coz wala naman talagang ganun'g term. Iisa lang naman 'yan dapat-actress lang. Wether sexy ang ginawa mo or not, actress pa rin yan," pong pa ni Katya.

Dili gayud mayano si Katya sa maong show kay markado ang role nga iyang gidala maong malipayon usab gayud si Katya niini. At first, tuo lang niya nga usa ka ordinaryo nga katabang lang ang iyang role pero sa katapusan aduna kini twist ug importante usab ang role niya dinhi.

Wish lang gyud ni Katya karon nga dili lang dinhi kutob ang pag-usab niya sa iyang imahe. Dugang pa ni Katya nga maayo unta mahatagan pa siya og mga maanindot nga mga roles diin dili ang iyang lawas ang ipakita ug ibaligya kundili ang iyang pag-arte.