Mga panagna sa Miss World 2006

Ang ipahigayong Miss World 2006 karong buwana, mao na siguro ang pinakanindot nga indigay sa natad sa kaanyag itandi sa mga nangaging tuig. Basi sa obserbasyon sa kadaghanan, mga maayong kandidata sa tibuok kalibutan ang magtigi sa maong indigay, mga nindot ug sadya nga mga kalihukan ug parehong gitagaan og oportunidad sa pagpadaylang ug pagpakita sa ilang kaanyag.

Karong tuiga sa maong indigay sa Miss World 2006, pormal na nga gipahibawo nga mopili sila og usa ka kandidata 'by judges selection' ug usa pud nga kandidata 'by people's choice vote' kada region ug itipon sa upat ka 'fast-track winners' para makompleto ngadto sa '16 finalists' karong umaabot Septiyembre 30.

Samtang ang mga beauty experts nagbuwabuwa na ang mga baba sa pagpagya sa ilang obserbasyon ug panahomkinsa gayud ang mosulod isip maglangkob sa Top 16 finalists.

• Ang America's region duna nay unom ka mga lig-on nga mga kandidata: Venezuela ug Canada sigurado na kay nakasulod na sila sa 'Magic 16' tungod sa duha ka 'fast track events' nga mao ang Miss Beachwear ug Miss Sports; Colombia kundili Brazil makasulod 'by judges selection' ug Panama or Mexico makasulod sa 'internet and global vote'.

• Sa Asia region, ang India makasulod pinaagi sa pagpili sa mga judges ug ang atong pambato sa Pilipinas nga si Miss Philippines Anna Maris Igpit makasulod pinaagi sa 'internet SMS votes'.

• Sa Southern Europe, ang mga hurado mopili sa Romania samtang ang Italy kundili Spain sa Internet, SMS votes.

• Sa Northern Europe, ang mga hurado mopili pud nila ni Czech Republic kundili Sweden samtang ang Poland sa Internet votes.

• Sa Africa mapili pud ang Angola ug ang South Africa sa Internet, SMS votes.

• Sa Caribbean, Barbados kundili Jamaica ang pilion sa mga hurado samtang si Puerto Rico sa Internet, SMS votes.

Suma pa sa mga beauty experts nga ang maong indigay o kompetisyon sa Miss World puno sa mga sorpresa karong umaabot Septiyembre 30 pero ila na sad gihimad-lan nga ang korona sa maong indigay maangkon sa usa ka 'latin girl'. Kay sa ilang obserbasyon, ang Miss World nagkinahanglan og 'latin powerhouse' nga maoy modaug sa maong indigay.

Mao kini ang mga kandidata nga may tsansang modaug sa maong kompetisyon: Miss Venezuela ug Miss Puerto Rico. Naa puy tsansa sila si Miss India, Miss Czech Republic, Miss Romania ug Miss Angola. Pero ang mga paboritong mga kandidata nga hanap nga makaangkon og korona sa finals mao sila si Miss Singapore, Miss Bolivia, Miss Turkey, Miss Lebanon, Miss Ukraine, Miss Greece ug si Miss Israel.

Suportahe ang atong pambato nga si Anna Maris Igpit pinaagi sa pagtext og MW112 ug ipadala ngadto sa 2929.