Dennis ug Jennylyn na

Human sa "I Luv NY" last Friday, nagpictorial na si Jennylyn Mercado kauban si Dennis Trillo alang sa next season sa Now and Forever.

Ang tsika sa PangMasa mao nga "Dangal" ang title sa maong project, nga maoy ihulip sa "Linlang," nga matapos karong September 23, buot ipasabot September 25, makita na usab og balik sa telebisyon si Jennylyn.

Si Dennis usab, September 21 pa ang last taping day sa "Majika" nga mahuman karong September 29 na, apan next assignment niya ang project with Jennylyn.

Sa direksyon ni Mac Alejandre, makauban nila sa "Dangal" sila si Ciara Sotto, Desiree del Valle ug Katya Santos.

Nagsugod na usab ang recording ni Dennis alang sa IndiMusic nila ni Ogie Alcasid ug Regine Velasquez ug ang una niyang kanta mao ang "Mangarap Lang" nga original composition ni Raul Mitra,nga usa usab sa mga producers sa IndiMusic.

Experimento sa GMA-7

Gumikan sa maong kalambuan, isuway na usab og pares sa lain sila si Mark Herras ug Angel Locsin.

Ang taho nga nakutlo sa PangMasa mao nga si Angel maoy leading lady ni Robin Padilla alang sa usa ka action-drama nga dunay tentative title "Asian Treasures."

Ang initial nga detalye sa dagan sa maong istorya mao nga magsugod kini sa Palawan ug moabot sa nagkadaiyang nasud sa Asya. Apil si Mark sa maong proyekto.

Gipaabot nga human sa Majika magsugod na ang taping sa maong action drama sanglit human na man usab ang shooting ni Robin sa Till I Met You nila ni Regine Velasquez.

Way kasal

Nakatawa si Regine Velasquez sa taho nga gitanyagan siya ni Robin og kasal atol sa ilang shooting sa Till I Met You.

Mikatawa si Regine kay suma pa niya dili tinood ang maong taho ug labaw nang dili tinood ang lain pang taho nga matud pa gihatagan siya og singsing ni Robin.

Matud ni Regine gumikan kay second time na nila ni Robin nga nagkuyog sa usa ka project, suod na kaayo sila apan dili tinood nga gipanguyaban siya sa action star.