Didith Reyes palahubog gihapon

Napakyas ang kanhi sikat nga singer nga si Didith Reyes pagtuman sa iyang gisaad ngadto sa mga tawo nga maoy mitabang niya karon aron makabangon gikan sa iyang pagkahagsa.

Kini tungod kay ang tsika ni Manay Cristy Fermin sa PangMasa mao nga niadtong Biyernes sa hapon, hubog na usab si Didith nga mibutho didto sa estasyonan sa DZMM.

Matud ni Manay Cristy kauban ni Didith ang iyang anak nga si Arvi. Suma pa nga klaro kaayo nga hubog na usab ang problemado karon nga si Didith kay bisan sa layo pa lang matimahuan na ang baho sa ilimnong makahubog ug nga matud pa kon wala pa lang siyay baston hayan nalup-og na kini.

Gani gihangyo man si Didith sa executive producer sa programang Aksiyon Ngayon,programa nila ni Senador Alfredo Lim ug Kaye Dacer nga mogawas lang una, gumikan kay kusog kaayo ang iyang tingog ug mabalda ang nagpadayon nga programa.

Gitin-aw ni Manay Cristy nga mibutho si Didith didto sa estasyonan gumikan kay duna kini buot tabangan nga higala.

Kahinumduman, giangkon ni Didith nga ilimnong makahubog lang ang iyang bisyo ug wala siya mogamit og gidiling droga. Iyang gipamung nga sa iyang depression karon, bugtong ilimnong makahubog ang iyang kauban ug kadug aron makalimtan ang iyang sitwasyon.

Naikog sa mga mitabang

"Actually, hanggang pagbabawal lang naman po ang magagawa ko, nahihiya nga po ako sa mga tumutulong sa amin ngayon, nangako ang mommy ko na iiwas na sa alcohol, pero heto na naman siya ngayon," pag-abli ni Arvi sa istorya.

"Depression po talaga ang problema niya, kapag inaatake na siya ng kalungkutan, iyak siya nang iyak. Ang paraan lang para makalimot siya, alak.

"Nag-usap na po kami nang masinsinan ni Ms. Dulce nung isang araw, maghapon niya kaming kinausap ng mommy ko, sinabi niya na walang mangyayari kung hindi muna maghi-heal si mommy internally.

"Nahihiya nga po ako ngayon, heto na naman ang mommy ko, hindi na naman niya napaglalabanan ang depression," magul-anong pag-angkon ni Arvi.

Pagkataud-taud nangayo og dispensa si Didith ngadto sa iyang mga higala.

"I'm sorry if I broke my promise to you, guys, but if I don't drink, I will not be able to forget what's going on with my life," nagkasapid-sapid ang dila ni Didith samtang mipasabot.

Gumikan niini nagbunta-og karon ang daghang pangutana ni Manay Cristy.

Unsay mahitabo bisan og ang tibuok kalibutan pa ang motabang ni Didith kon siya mismo dili magbag-o. Unsaon na lang kon masakit siya gumikan sa iyang paghubog-hubog ug magkinahanglan siya og tabang apan wala nay maluoy niya? Kinsa pa may ganahan nga motabang ni Didith kon dili siya desidido nga magbag-o? Unsay mahitabo sa kaso nga iyang gipasaka ngadto sa iyang kapuyo nga matud pa mibun-og niya? Unsay iyang itubag kon pasanginlan siya sa kanhi niya live-in partner nga siya mismo maoy mipasakit sa iyang lawas gumikan sa labihang pagkahubog?

Nanghinaot ang mga suod nga higala ni Didith nga mahigmata na siya paingon ngadto sa pagbag-o ug hingpit na niya nga talikdan ang iyang pagka-ulipon sa ilimnong makahubog bisan lisod, tungod ug alang sa iyang kaayohan.