Bernard-Meryll nagpakasal

Bisan pa man sa taho nga dakong supak ang pamilya ni Meryll Soriano nga magminyo na siya, nagpakasal na ang anak ni Willie Revillame ngadto sa hinigugma niini nga si Bernard Palanca.

Ang mga tinubdan sa PangMasa maoy mitino sa taho ug nagkanayon nga ang kasal nahitabo alas dos kagahapon sa hapon didto sa buhatan ni San Juan Mayor JV Ejercito.

Walay bisan usa nga kadugo ni Meryll ang mitambong sa seremonya ug bugtong mga suod lamang niya nga mga higala ang didto aron pagsaksi sa nahitabong kasal.

Samtang ubay-ubay ang mibutho gikan sa pamilyang Palanca ug Revilla sama na lamang nila ni Mico Palanca, Pita Revilla, ug Maritess Revilla.

Ang relasyong Meryll ug Bernard nagsugod niadtong November 2005, human nakigbuwag ang dalaga sa iyang non-showbiz boyfriend. Si Bernard usab kanhi uyab ni Rica Peralejo diin milungtad ang ilang relasyon og upat katuig. Nanguyab siya kang Meryll, duha ka tuig human sa ilang break-up ni Rica.

Si Meryll kamaguwangang anak ni Willie. Ang iyang inahan mao ang maguwang ni Diamond Star Maricel Soriano nga si Becbec kinsa naminyo na karon og Japanese.