Nagpa-sexy si Dawn para election?

Kung kanus-a nagka-edad ug nakabaton na og mga anak si Dawn Zulueta, diha na nuon siya mi-sexy og maayo.

Sama na lang sa advertisement sa usa ka weight loss center diin mi-pose si Dawn nga nag-bikini lang. Sexy usab siya sa dihang iyang gi-endorse ang usa ka vitamins sa TV.

Pwes, pangutana sa entertainment editor sa PangMasa nga si Salve Asis: mao ba kini ang pamaagi ni Dawn aron mobutar ang mga Davaoenos sa iyang bana nga si Anton Lagdameo nga gikatahong magpapili isip congressman sa Davao City.

Sunshine gisaway gihapon

Mituo na ang kadaghanan sa showbiz press sa explanation ni Sunshine Dizon nga aduna siyay sakit nga mahimong maka-paralyze niya kon iya kining pasagdan. Apan pangutana sa kadaghanan sa showbiz press, mosamot ba diay ang sakit ni Sunshine kon mananghid siya sa iyang mga co-workers nga humanon na ang ilang taping tungod kay dili makaayo niya ang mahago og maayo tungod sa iyang balatian? Matud sa showbiz press sayon ug gaan ra kaayo ang pagpahibaw sa mga co-workers nga mopauli na siya ug dili na mobalik, apan wala kini buhata ni Sunshine.

"Ang tawag sa bagay na ito, Sunshine, ay pakikipagkapwa-tao. Kung hindi man, konsiderasyon sa mga kapwa mo nagtatrabaho. As the lead star of "Bakekang," you are supposed to be the big star ng production. Kaya, dapat lang na ikaw ang maging simbolo ng professionalism among your co-workers," birada pa ni Salve Asis.

Kahinumduman nga napatik sa Banat Hugyaw kagahapon nga miangkon si Sunshine nga nasakitan siya sa negative publicity nga unprofessional siya.

Matud ni Sunshine angayan nga giklaro una unta sa mga reporters ang taho una sila mokomentaryo og amat tungod kay matud pa niya ang tanan nahitabo gumikan sa iyang back problem.