Sunshine wana magpabadlong

Usa ka oras una mahuman og taod ang prosthetics ni Sunshine Dizon alang sa iyang role isip Bakekang. Suma pa nga labihan ang sakripisyo karon ni Sunshine tungod kay labihan ka alimout ang mag-prosthetics, pun-an pa nga kanunay nga outdoor ang ilang taping.

Kumpirmado na usab nga mahinayon ang pilot episode sa Bakekang karong September 11, hulip sa I Luv New York.

Nasayod si Sunshine nga taas ang expectation sa mga viewers ilabi na ang mga Noranians sanglit si Nora Aunor ang unang midala sa maong papel kaniadto. Hinoon misaad si Sunshine nga pinaagi sa tabang sa iyang mga directors, writers ug co-stars at staff iyang paningkamotan nga mahatagan og hustisya ang role nga gipasikat ni Ate Guy.

Sakripisyo usab si Sunshine tungod kay alas-sais sa buntag pirme ang call time sa taping busa, alas-kuwatro palang magpahatod na siya sa iyang igsoon ngadto sa location.

Nasulbad na usab ang problema sa set niadtong nakalabay nga semana diin gikataho nga 'pasaway" si Sunshine kay mokalit lang og kahanaw nga dili magpahibaw.