27th Cebu Pop Magic 12

Human sa unom ka oras nga hinashasay kagahapon, hingpit na nga napili ang dose ka official entries alang sa 27th Cebu Popular Music Festival nga ipahigayon karong Enero 19 sunod tuig.

Ang tema sa nahisgutang mga entries kasagaran naghubit kalabot sa gugma, panawagan alang sa kausaban, pagpanikaysikay alang sa katumanan sa pangandoy, paghulagway sa sitwasyon sa katilingban ug pagbugtaw sa mga pagtulun-an gikan sa usa ka inahan.

Adunay 109 ka mga entries ang gipilian sa mga hurado diin human sa kapin lima ka oras napili ang 22 ka mga kanta nga adunay potensyal nga musulod isip official entry. Paglabay sa hapit usa ka oras 12 na lang ang nahabilin.

Si Cebu Pop Executive Director Philogene Florita mibutyag nga sa 12 ka official entries, tulo ka mga bag-ong ngalan sa composers ang misulod samtang ang uban mga beterano na.

Ania ang 12 ka official entries nga nauyunan ug nihugyaw sa galamhan ug hunahuna sa mga hurado atol sa screening didto sa UV Alumni Office kagahapon.

Kausaban-nila ni Fortunato Viovicente Jr. ug Roy Caballero

Sabong-ni Roland Amila

Bakho sa Anghel-nila ni Frederick Villarojo ug Gwendolyn Cresencio

Pahimangno ni Nanay-ni Fernando Rabutan

Kalandrakas- ni Norman Jabonero

Pobreng Ilusyonista- ni Lauro Flores

Sugbuanon Ako- nila ni Dennis Martin ug Norms Tomada

Lihok Kabataan-ni Jun Cabillar

Buhing Pangandoy-ni Renante Jumao-as

Puno sa Gugma-ni Fernando Rabutan

Bisan Anino Lang-ni Frederick Villarojo

Ikaw Unta-ni Rev. Fr. Ponce Jed Bellones

Ang board of judges karong tuiga gilangkuban nila ni Dr. Orvilia Hershman, Nayla Beltran, Vilma Galan, Ryan Mark, Jay Unchuan, Baby Condeno, Sam Constanilla, Gloria Villarojo ug Atty. Rey Belarmino.