Deal or No Deal, kutob September 8

Sa September 8 pa kutob ang Kapamilya Deal or No Deal ni Kris Aquino tungod kay matud pa ni Manay Cristy Fermin nagkadaghan na ang interesado sa maong game show sa ABS-CBN.

Tsika ni Manay Cristy nga sa sinugdanan wala pa ganahi ang publiko sa maong game show apan sa dihang milungtad na og pipila ka semana nag-anam kadaghan ang manan-aw na niini matag gabii.

Obserbasyon ni Manay Cristy mao nga dunay uban nga interesado lang sa gown ni Kris ug inig kahuman bastante na sila ug kontento.

Kasagaran usab sa mga manan-aw magpada sa tension ug dili makapugong nga mosinggit og apil ilabi na kon "no deal" ang tubag sa contestant, pong pa ni Manay Cristy.

Gani iyang gipadayag nga duna siyay amigo nga saputon kon labihan na ka dako ang tanyag ni Mr. Banker apan ni-deal lang gihapon ang contestant.

"Inis na inis ako, ang laki na nga ng money on hand niya, nag-no deal pa! Hindi naman siya sure kung magkano ang laman ng maleta niya, ang tanga-tanga!" pong pa sa amigo ni Manay Cristy.

Pipila sa dili malimtan nga eksena sa maong game show mao ang higayon nga piso ray daug ni Roderick Paulate ug P200 ra usab ang nakuha ni Franzen Fajardo.

Samtang walay makalupig sa bul-og sa emosyon sa dihang ang contestant nga si Edna midaog og usa ka milyon nga gibalik balik gayud ang pag-ingon nga ang iyang anak nga dugay nang mipanaw maoy mitabang niya aron mapili ang tukma nga briefcase.

Sa nasayran hapit na isalida sa "Maala-ala Mo Kaya" ang kasaysayan sa kinabuhi ni Edna.

Zoren ug Carmina malipayon, mabungahon

Dili na kinahanglan ang kasal kon buot hunahunaon sanglit labihan ka malipayon sa relasyon Carmina Villaroel ug Zoren Legaspi suma pa sa mga showbiz people nga nakakita sa duruha atol sa birthday celebration ni Mina sa Sis.

Gani daghan ang uyon sa pamahayag ni Rustom Padilla nga matud pa picture of a happy family sila si Carmina ug Rustom uban sa ilang duha ka mga anak nga kaluha.

Nasigpatan sa PangMasa sa backstage kon giunsa pagdisiplina ni Zoren ang ilang mga anak nga matud pa saputon ang babaye ug kanunay nga awayon ang igsoon niini nga lalake.

Pwes gihinay og istorya ni Zoren ang babaye pinaagi sa pag-ingon "Is that the way to treat your brother? Today is your mom's b-day, you behave, ha?"

Samtang giregaluhan ni Zoren si Mina og i-book ug matud sa aktor nga iya kining gitigoman og maayo aron lang gayud mapalit ang maong butang.