I luv NY tulo ka weeks na lang

Tulo pa ka semana ang paabuton una mahuman ang 'I Luv NY" base sa taho nga nasagap sa PangMasa busa gipaabot nga daghan pa unya ang mahitabo sa estorya. Gani nasayran nga wala pay last taping day sila si Jolina Magdangal, Marvin Agustin, Mark Herras ug Jennylyn Mercado. Samtang mapasalamaton sila si Mark ug Jen tungod kay nihaom ang ilang lapoy nga panagway karon sa istorya sa dramedy diin puro problemado ang ilang character.

Nasayran sa PangMasa nga walay pahuway ang duruha tungod kay gawas nga busy sila alang sa promo sa 'Eternity" ubos sa Regal Entertainment, nagsugod na usab ang shooting alang sa "Super Noypi" nga entry sa nahisgutang outfit alang sa Metro Manila Film Festival karong December.

Ang nakakapoy og maayo sa duruha mao nga nagsigi sila og practice og martial arts tungod kay ang 'Super Noypi" action drama ang dagan sa istorya. Nasayran usab nga kon makahigayon silang duruha, si Mark magduwa og basketball samtang si Jen modalikyat ngadto sa iyang boutique sa Star mall busa wala gayud silay pahuway. Lovi-Cogie, bida sa Love to Love

Giplano na karon og maayo ang love team nila ni Lovi Poe ug Cogie Domingo, diin ang labing una nilang proyekto mao ang 12th season presentation sa Love to Love nga dunay uluhang "Jas Got Lucky."

Dungan niini migawas ang mga huhungihong nga in-love na si Cogie kang Lovi, apan ang mga himantayon nangutana kon makapaabot ba ang ulitawo tungod kay namahayag ang mommy ni Lovi nga sa pangidaron nga 27 pa mahimong mag-uyab-uyab ang batan-on.

Meaning , siyam ka tuig nga magpaabot ni Cogie tungod kay sa February 2007 pa ang debut ni Lovi. Alice hayan maoy Magenta

Gihunahuna pa karon ni Alice Dixon ang offer ni Vic Sotto nga siya maoy padad-on sa papel nga Magenta alang sa 'Enteng Kabisote 3" nga umaabot nga entry sa Octo Arts Films ug M-Zet Productions alang sa 2006 MMFF.

Dungan niini, nasayran sa PangMasa nga gibaligya na ni Alice ang ilang mga kabutangan dinhi tungod kay nakahukom na sila nga adto na manimuyo sa Estados Unidos.

Nagkanayon si Alice nga sukad namatay ang iyang amahan, gawas sa pipila ka mga paryente, ang kinatibuk-an nilang pamilya atua na manimuyo sa Florida busa wala nay rason nga magpabilin pa sila dinhi sa nasud.

Apan giklaro ni Alice nga dili niya hingpit nga talikdan ang showbiz tungod kay kon dunay mga maayong offers, andam siya nga mobalik sa Pilipinas.