Phil. team mihipos og 50 medals

Singkwenta ka medalya tanan ang nahipos sa Philippine Team nga nakigtigi didto sa Los Angeles California alang sa World Championships of the Performing Arts diin mokabat sa 4000 ang mga delegado.

Una na nang gibalita sa Banat Hugyaw kagahapon nga midaog og medalyang bulawan sila si Jonalyn Viray ug Brenan Espartinez, nga mga produkto sa 2005's "Pinoy Pop Superstars."

Ang mga kategorya nga gisalmutan nila ni Jonalyn ug Brenan mao ang R&B Jazz (solo and duet); Pop (solo and duet), original, variety ug sa gospel singing, diin bulawan nga medalya ang naangkon nila ni Brenan ug Jonalyn sa Broadway songs.

Polo ug Sandara magsuon

Arte nga igsoon ni Polo Ravales ang role ni Sandara Park alang sa Metro Manila Film Festival entry sa Regal Entertainment, ang Super Noypi nga bitoonan ni Mark Herras tugbang ni Jennylyn Mercado.

Gibalita sa Banat Hugyaw kagahapon nga si Rhian Ramos ang original choice sa maong role apan gibalibaran kini sa naulahi tungod kay labihan na niya ka-busy sa taping sa Captain Barbell busa bisan nausikan siya sa role, wala siyay mahimo.

"Maarte, cono ug dunay magic power" ang maong role ni Sandara hinungdan nga nausikan gayud si Rhian tungod kay mi-audition pa siya alang niini. Si Quark Herras ang director ug nagsugod na ang shooting last Monday.

Gawas sa Super Noypi busy na usab si Sandara sa taping sa 'Crazy for You" sa ABS-CBN diin bida sila si Toni Gonzaga ug Luis Manzano ug diin kauban usab nila si Kim Chiu ug Gerald Anderson.

Taping sa Walang Kapalit sa Pinas pa

Wala pa makalarga paingon sa Australia alang sa taping sa "Walang Kapalit" sila si Piolo Pascual, Claudine Barreto ug Edu Manzano tungod kay giuna nila pag-tape ang mga eksena dinhi sa Pilipinas ubos sa pagduma ni Andoy Ranay, co-director ni Wenn Deramas.

Kini tungod kay si Direk Wenn molarga pa paingon sa Estados Unidos alang sa "Musical Comedy Riot Sa Amerika 2: The Return of the Comeback" diin siya maoy mo-direk nila ni John "Sweet" Lapus, Candy Pangilinan, Chokoleit, Malou de Guzman, Eugene Domingo, Deejay Durano, Anton Diva and Carlos Agassi. Sa August 20 ang show didto sa Las Vegas Plaza Hotel & Casino; August 25 sa East County Performing Arts Center in San Diego, California ug sa August 26, sa Orpheum Theater, Los Angeles, California.