Jennylyn, magpasexy sa movie?

Nagduhonog ang mga tabi-tabi nga si Jennylyn Mercado maoy hatagan ni Mother Lily Monteverde sa pelikulang "Magic Kamison". Hinungdan nga mibukad karon ang atay ni Jennylyn but at the same time gikuyawan usab siya.

Kini tungod kay base sa gitug-an ni Jennylyn ngadto sa PangMasa wala pa gayud siya makahibaw unsay story sa maong umaabot nga proyekto apan dunay naghonghong niya nga sexy tema sa maong pelikula.

Hinoon wala pa man siya pormal nga gitanyagan ni Mother Lily alang sa maong proyekto busa nag-concentrate una siya alang sa "Super Noypi" nga entry sa Regal Entertainment alang sa umaabot nga Metro Manila Film Festival karong December.

Nasayran sa PangMasa nga gisugdan na kagahapon ang shooting sa "Super Noypi" with matching costume diin pares ni Jen ang iyang loveteam nga si Mark Herras.

Excited si Jen alang sa maong pelikula tungod kay action ang tema niini, gani mikuha pa man siya og martial arts lessons isip pagpangandam.

Apil usab sa maong pelikula sila si Polo Ravales, Victor Neri, Say Alonzo ug daghan pa.

Gidugang usab sa cast si Sandara Park isip hulip ni Rhian Ramos nga dili na available tungod sa ka-conflict sa schedule.

Daghan ang excited sa maong panag-uban tungod kay unang higayon kini human sila nagtigi kaniadto isip mga producto sa managkumpetensya nga reality based search- Starstruck ug Star Circle Quest.

Iza walay ka-date sa birthday

Wala'y date si Iza Calsado niadtong birthday niya niadtong nakalabay nga August 12 tungod kay ang iyang boyfriend nahibalik naman sa Amerika.

Nasayran sa PangMasa nga September pa mobalik dinhi sa Pilipinas ang mao niyang uyab nga unang gidungog nga iyang pakaslan sunod tuig.

Hinoon matud ni Iza nga nanawag ang lalake niya sa iyang birthday aron of course mo-greet. Nagpadala usab ang iyang uyab og package nga puno og pagka-on.

Siyempre, apil sa gibuhat ni Iza atol sa iyang birthday mao ang pagdalikyat ngadto sa simbahan aron magpasalamat. Gidu-aw usab niya ang iyang higala nga si Danaya(Diana Zubiri) nga naka-confine sa St. Luke's.

Sa pagkakaron nag-focus si Iza sa promo sa "Eternity" opposite Dingdong Dantes with Jennylyn ug Mark Herras tungod kay isalida na ang maong pelikula karong September 6.

Pagkahuman niini ang pantaserye na usab nga "Atlantika" ang iyang yak-an kauban gihapon si Dingdong alang sa GMA-7.

Katrina October na manganak

Sa October na di-ay manganak ang live-in girlfriend ni Martin Nievera nga si Katrina Ojeda ug wala pay revelation gikan sa Concert King kung Girl ba kini o Boy.

Na-corner si Martin sa PangMasa atol sa album launch niya sa mi-aging Domingo ug sulti pa niya nga wala magsakit ang iyang buot human nga si Philippine Star Entertainment Editor Ricky Lo maoy mibutyag sa maong balita sa nakalabay nga column sa naulahi.

On the contrary, sulti niya, mas misayon na hinoon niya ang tanan tungod kay wala naman siya maglisod sa pagpahibaw sa iyang mga higala ug pamilya nga mabdos ang iyang uyab nga si Katrina.

Miingon si Martin nga dako ang iyang salig ni Katrina nga mamahimo kining responsible sa ilang umaabot nga anak.