Banda ang uso ron

Labing seguro, dili kay ako ray nakamatikod nga kadaghanan sa mga articles karon sa mga nagkalain laing mga mantalaan dinhi sa Sugbo naghisgot og mga banda. Nag-iyahay lang pod sa pagtuyhakaw ang mga banda kay lagi pod, banda man pod kono ang uso karong panahona. Kini mao sad ang gibutyag ni Mr. Baste Balboa sa Alpha Records sa akong pagpakighinabi niya atol sa pagbukas sa Hagiazo Audio two weeks ago, diha sa usa sa mga rooms sa Cherry Court sa Mango Ave. niining dakbayan. Gani, matag karon ug unya, ang mga concert nga ipahigayon pod sa Alpha Records, duna gyo'y banda.

Usa sa mga banda nga mituyhakaw ug mihugyaw na pod pag-ayo mao kining namugna ni Boyet Sasuman, ang manager sa ilado na kaayong dance group nga BuzzyBuddies Dance Crew, pero take note, kadaghanan sa mga sakop niining banda nga gitawag ni Boyet og Koozi Band, mga sakop ra usab sa BuzzyBuddies busa ang buot ipasabot niini, dili kay kutob ra sila sa sayaw kon dili, hasta usab sa paggunit sa mga tolonggon [musical instruments]. Sa hulagway sa maong banda makita, [nagtindog], si Xlina Segovia, Donna Trasmonte, Nieva Abella, Maricel Reuyan ug ang nagpungko mao sila si Lord Chester Tan, Marco Dignos ug Lee Malazarte. Huwag isnabin, kay may height ug kaanyag, ingon man kaambong nga mahagpat ang mga 'yan, Ryan Mark, so, for bookings, just in case nagkinahanglan mo nila, call Boyet S. sa 2723439 or sa 09213332486