Rufa Mae gikulbaan sa pagbalik ni Rudy

Giangkon ni Rufa Mae Quinto atol sa presscon sa ilang lilas nga "Oh My Ghost" nga gikulbaan gayud siya sa dihang iyang nahibaw-an nga mobalik na dinhi sa Pilipinas ang iyang ex-boyfriend nga si Rudy Hatfield.

Matud pa ni Rufa Mae sa PangMAsa nga wala pa niya matino kung unsa ang iyang buhaton kung makig-istorya man gani si Rudy kaniya. Hinoon iya nang napahibaw ang iyang uyab nga si Erik Santos kalabot sa maong taho ug matud pa niya na-tense usab ang nahisgutang Star in a Million winner.

Sa pangutana kung gihigugma pa ba niya si Rudy, gitino gayud ni Rufa Mae nga si Erik na ang gipitik sa iyang kasingkasing karon. Apan miangkon hinoon siya nga wala pa gyud niya nakalimtan ang kasakit nga iyang gibati sa dihang kalit lang siya gibiyaan ni Rudy kaniadto.

Sa launching sa GMA Pinoy TV niadtong July 2006, nagkita'g balik sila'ng duha ug nag-istorya apan wala ra say maayong resulta ang nahitabo kay nawad-an naman sad sila'g komunikasyon. Gani, bisan pa man sa taho nga mobalik na si Rudy sa nasud, wala siya tawagi niini.

Binuang pang pong ni Rufa Mae ngadto sa PangMAsa nga murag "ghost" na lang si Rudy sa iyang kinabuhi. Usa pa, dili niya buot nga pasakitan si Erik maong ang iyang atimanon na lang ang pag-promote nila ni Marvin Agustin sa ilang lilas nga "Oh My Ghost" ubos sa OctoArts Films nga makit-an na sa mga sinehan karong August 16. Busy usab siya sa duha ka gabii nga back-to-back concert nila ni Erik sa Music Museum sa umaabot nga September 14 ug 15, ang "When Erik Meets Peche...Must Be Love" nga ubos sa iyang kaugalingon nga production, On-Q28 Productions.

Arthur dako nag-lawas

Mas ninindot ug mas nidako karon ang lawas sa ig-agaw ni Dingdong Dantes nga si Arthur Solinap nga usa usab sa mga cast sa lilas nga "Eternity."

Matud pa ni Arthur sa PangMAsa nga mas iyang gitarong ang iyang pag-workout kay medyo mitambok siya pagkahuman sa iyang role isip Muros sa "Encantadia." Gani ang iyang pagpanambok maoy nakaingon nganong wala siya malakip sa Bench Fever bag-ohay lang gumikan kay out-of-shape siya.

"Nakakahiya naman kasing makitang tumaba ako," pong pa ni Arthur. "That was after I did the shoot for X-ray magazine. Medyo nagpa-easy-easy pa muna ako that time kasi patapos na ang Encantadia. Kaya I gained weight. Eh kinukuha ako for Bench Fever, hindi ako puwede kasi tumaba ako. Sana next year makasama ulit ako. Paghahandaan ko na talaga," dugang pa ni Arthur.

Sa mga wala makahibalo, mas una pa'ng nag-artista si Arthur kaysa sa iyang ig-agaw nga si Dingdong. Milugwa na kaniadto si Arthur sa duha ka lilas nila ni Judy Ann Santos ug Gladys Reyes ubos sa Regal Films.

"Si Dingdong kasi nagpatuloy siya with the dance group. Ako kasi tumigil muna and I concentrated with my studies. Kaya si Dingdong 'yung naging artista. Nakabalik lang ako when I became part of Encantadia. Nagtuluy-tuloy na iyon hangggang sa makasama ako sa Etheria at sa pelikulang Mulawin: The Movie. In Eternity, I still play the cousin of Dingdong during the 18th century. Naka-costume kami rito at we learned here how to play fencing. Most of my scene naman is with Dingdong," asuy pa ni Arthur.

Sa pagkakaron, adunay gi-date si Arthur ug kini usa sa mga Jaboom twins, si Jaja. Matud pa ni Arthur nga dugay na silang magkaila niini ug bag-o pa lang sila nagsugod og date.

"Nagkakilala kami sa set ng Etheria. But we knew each other noon pa. Okey naman si Jaja and she's fun to be with. Nagde-date pa lang kami at wala pang serious stuff. Pareho naman kaming serious sa careers namin kaya we're taking things one step at a time," hinapos ni Arthur.