Love teams gibungkag, gibalik

Gibalik na sa GMA Network ang mga love teams nga naumol pinaagi sa reality TV search, ang "StarStruck." Nabantayan sa PangMasa nga pipila na ka Domingo nga nagpares sila si Mike Tan ug LJ Reyes sa mga mga production numbers nila sa "SOP Gigters," mao usab sila si Ryza Cenon ug CJ Muere.

Nakita usab sa Regal Entertainment nga kanunay nga magpares sa mga pelikula sila si Mike ug LJ, busa ang duruha maoy subling pareson sa usa ka digital movie nga ipaubos sa direksyon ni Rahyan Carlos ug co-produce sa Regal with GMA Films.

Pangagpas sa kadaghanan nga dili makaapekto ang relasyon nila ni Alfred Vargas ug LJ sa balik-loveteam nila ni LJ ug Mike nga at one time nagka-uyab apan nagbuwag niadtong October 2005. Kapamilya talents milugwa sa QTV

Gitugtan sa ABS-CBN ang pipila nila ka mga talents nga maka-guest sa QTV nga gipanag-iya sa GMA-Network.

Karong semanaha si Rica Peralejo maoy guest sa Project 11. Si Roderick Paulate usab bag-o lang mi-guest sa Moms, sunod ni Vina Morales. Sa "Ay, Robot" naka-guest na sila si Joross Gamboa, Candy Pangilinan, ug karong Sabado guest na usab si Say Alonzo. Usa ka insider sa Star Magic nga nahinabi sa PangMasa mibutyag nga musugot ra ang Kapamilya Network sa mao nga arrangement basta dili maapektuhan ang ilang tapings sa ABS-CBN.

Young actor broken hearted

Nagun-ob ang pagbati ni young actor human nga sa pamantalaan na lamang niya nasayri nga natapos na ang tali niya ug sa young actress nga iyang nakauban didto sa gawas sa nasud alang sa usa ka pelikula.

Matud pa nga midangoyngoy og hilak si young actor human masayod nga nakigbalik na si young actress sa iyang uyab nga gibuwagan sa nauwahi dayong larga alang sa shooting sa mao nilang pelikula abroad.

Nagtuo si young actor nga ang sweetness and closeness nila ni young actress samtang didto sila sa gawas sa nasud moresulta sa espesyal nga relasyon.

Gani dihang nahibalik na sila dinhi sa nasud, kanunay pa man silang magdate ug magkuyog sa mga showbiz functions. Naunsa bang pagka-unsaha nga mao naman lay iyang nabasahan nga tua na sa kanhi niini uyab nagpa-uraray si young actress. - Ryan Mark