Cellphone gikawat, giuli

Matud pa ni mam Joy Balboa, ang asawa ni Brod Baste Balboa sa Alpha Records, ilado na gayod kaayo ang tolo ka inano karon nga mga istaroroy sa teleseryeng nag-ulohan og "Tres Metros" Ang teleserye karon, anaa na sa episode three, ug kini, gisulat na usab sa original nga creator sa maong teleserye nga si Felipe alyas Pepe alyas Pipstar Tariman, amahan sa duha ka sumusobang nga mga bitoon sa kalangitan sa showbiz nga sila si Chris Yan ug June Philipe Tar.

Ang unang shooting days sa episode 3, didto himoa sa Barangay Tapilon sa Daan Bantayan [ang mayor sa lungsod mao si Hon. Maria Luisa Loot] niadtong Hulyo 25, 26 ug 27. Sa Hulyo 26 buntag, ang tanang sakop sa cast [Pakol, Gardo, Boyoy, Che Che, June Philipe Tar, Junda Delima , ang tolo ka inano nga sila si Allan Castro, Arman Castro ug Fernan, ug mga crew nga usahay himoon lang sad nga artista sama nilang Hero Agbayani, Harry Pat Tier, Chocolate ug uban pa], lakip na ang ubang sakop sa pamilya ni Pepe [taga Bantayan sila], gawas sa lola ni June Philipe, didto sa baybayon aron sa pag- shoot sa usa ka " big scene." Human niini, namauli mi sa balay sa lola ni June Philipe aron mag-ilis, kay polos man mi nangabasa. Apan sa paghiling ni Allan Castro sa iyang bag, wa na ang iyang mahalon nga cellphone nga mokantidad og P 12,000.00 apan, wa konoy laing nahibiling tawo didto sa sala diin mahimutang ang mga kahimanan namo, gawas sa usa ka estudyanteng tomboyon. Pilay sugilon, kay may pagka influential man pod ang lola ni June Philipe, nanglihok dayon ang mga barangay councilors ug mga tanods, ug wa dangti og napulo ka oras, nabalik ang nahisgutang cellphone. Pwes, ang lesson? Ayaw pangawat sa balay sa lola ni June Philipe Tar, kay masaxfan jud ka.