Feng Shui napildi sa Sukob

Bisan pa man og kusog ang ulan ug nagbaha sa pipila ka mga dapit sa nasud, gikatahong walay puas ang pagpunsisok sa mga tawo aron motan-aw sa pelikulang 'Sukob' nila ni Claudine Barretto ug Kris Aquino ubos sa Star Cinema.

Pong pa sa kolumnista sa PangMasa, Manay Cristy Fermin, nagkadaiyang mga reaksyon ang ilang nadawat gikan sa mga nakakita nga matud pa gibati og labihang kahadlok ug kakuyaw.

''Para kaming sira! Nasa gitna kami ng pagtatrabaho, may biglang manggugulat! Tilian naman kami siyempre,kaya napalabas ang boss namin. "Tawanan kami, dahil nung malaman ni boss na "Sukob" lang pala ang dahilan, manonood na rin daw sila ng misis niya, para maka-relate siya sa amin!,'' pong pa sa usa ka classmate kaniadto ni Manay Cristy.

Dungan niini giangkon sa publicity department sa Star Cinema nga sa sinugdanan nakuyawan sila basin walay manna-aw sa pelikula tungod kay nagsigi og uwan ug nagbaha gayud gani sa pipila ka bahin sa Metro Manila.

''Medyo nakakatakot pa nga nung una dahil malakas ang ulan, alam naman natin na kapag ganun, matindi rin ang traffic, kaya baka tamarin ang moviegoers.

''Pero hindi ganun ang nangyari, talagang langkay-langkay silang nanonood, totoo nga pala na kapag gusto nating mapanood ang isang pelikulang gusto natin, walang kahit anong makapipigil sa atin na panoorin yun!'' pong pa sa usa ka taga Star Cinema.

Ugmang adlawa gikatakda usab nga mag-premiere didto sa Los Angeles California ang pelikulang "Sukob."

Ang taho ni Manay Cristy mao nga nalabwan na sa "Sukob" ang kita sa Feng Shui kaniadto hinungdan nga nalipay kaayo si Kris kay malampuson ang unang proyekto nila ni Claudine.

''It's not easy to do a movie like Sukob, every after take, tumatakbo kami sa monitor para makita kung ano ang kinalabasan ng take namin.

''Mabusisi si Direk Chito, kahit maliit na detalye lang, binubusisi niya. Gusto niyang maging perfect ang mga eksena, pero we're happy naman that it paid off. 'We're happy talaga, thanks sa support ng moviegoers,'' pong pa ni Kris ngadto ni Manay Cristy.

Isabel Rivas dalaygon nga igsoon

Pipila sa mga Chinese nga higala ni Manay Cristy Fermin ang dismayado sa kasamtangan kagawasan sa actor/politician nga si Dennis Roldan human siya gitugtan sa hukmanan nga makapyansa og tunga sa milyon.

Nagkanayon ang mga Chinese ngadto sa kolumnista sa PangMasang si Manay Cristy nga kon ang maong kaso diin tataw nga nagtumbok sa aktor isip suspetsadong utok sa kidnapping nabalewala unsa pa kaha ang dili mahimong lutuon o maniobrahon karong panahona?

Dungan niini gidayeg sa kadaghanan si Isabel Rivas gumikan sa dili basta basta nga suporta nga iyang gibubo ngadto sa iyang igsoon nga si Dennis.

Ang tsika ni Manay Cristy nga didto na sa Amerika nanimuyo si Isabel apan kasamtangan kining nagpermanente dinhi sa nasud aron duyugan ang iyang igsoon sa giatubang niining problema.

Suma pa nga kon dunay hearing sa kaso ni Dennis walay sipyat nga anaa usab sa iyang kiliran si Isabel busa matud pa nga swerte kaayo ang aktor politician kay naka-igsoon siya og sama ka buotan ug ka maunongon ni Isabel.

Gani ang balita nga nahipos ni Manay Cristy mao nga si Isabel maoy nangita og paagi nga maka-bail ang iyang igsuon.