Cameraman na sad ang wanted

Kay aging gay writer na lagi kono ta, matud pa sa usa ka insecure nga showbiz ug lifestyle columnist, nalimot na gyod ko sa particular date sa paglugwa sa photo ug name ni Jun Abaincia dinhi sa Banat Hugyaw. I think sometime last month to siya. Basta ang akong mahinumduman nga kaadlawon pa gani, nagpungasi na ang tawag sa telepono ug nagkapuliki sa pagpanubag ang akong mga apo ug pag-umangkon kay natulog pa man ko at about 6:00 a.m. ug dili sila gustong samokon ko. Ang ilang pangutana: "Nganong wanted man si Jun? Unsa may iyang saa?" "Na, si Kriss ra gyo'y makatubag ninyo ana" Maoy tubag sa akong mga pag-umangkon ug mga apo.

Sa pagkahapon, may nag-text na gyod og miingon, " Kriss, maguwang ning Jun Abaincia. Si Noel diay ko. Nganong wanted man ning akong manghod?" Pwes akong gitubag og "Si Pepe Tariman maoy pangutan-a…" Unya, gihatagan nako siya sa number ni Pepe Tariman, ug akong giingnan nga si Pepe atong panahona, nag-shooting sa "Tres Metros" sa Delima Compound sa Sitio Galaxy sa Barangay

Maguikay, Mandaue City, sa Jundalema Entertainment , balay ni Junda Delima. Pilay sugilanon, nagkita ra gyod sila si Jun Abaincia o Mateo Abaincia, Jr., ug Pepe, ug nagkasabot nga paapilon diay si Jun sa episode two sa " Tres Metros" diin, usa ka bug-at ug mahinungdanon gyod kaayo ang papel isip igsoon sa pamanhonon sa kontrabidang nagluib sa pamanhonon ang iyang role. Karon mas labaw pang mas bug-at ang iyang role sa episode three.

Apan, sa pagka karon, tungod kay grabe na man gyod kaayo ka daghan sa booking sa Delima Entertainment ug Pipstar Films, gikinahanglan na gyod nila, ug pinaagi niining atong lindog, gi- page na pod ang usa ka maayong cameraman nga gihinganlan og George Opura nga gikatahong naa magpuyo sa usa sa mga barangay sa Carcar. Kinsay nakaila kang George Opura, palihog, patawga na sad siya sa 2594294 or 9154366608 or kang Junda Delima sa 09202180712, o kang Pepe Tariman sa 639064394401.