Iro ni Sarah kantidad og P40, 000

Cha-cha ang gihatag nga pangalan ni Sarah Geronimo sa iyang iro nga Tea-Cup Yorkshire Terrier. Kini maoy nasayran sa PangMasa atol sa iyang album launch didto sa Crown Plaza Hotel,

Didto gipangutana si Sarah kon naangkon na ba niya ang iyang gipangandoy nga birthday gifts diin miingon siya nga wala pa niya mapalit ang laptop ug cellphone nga top of the line.

Miingon si Sarah nga ang iro maoy iyang giseguro tungod kay dili na gayud siya makapugong sa iyang kahinam hinungdan nga mihangyo siya sa iyang Mommy Divine nga paliton na kini.

Nagdumili pagbutyag ang mommy ni Sarah pilay kantidad sa nahisgutan nga iro apan nasayran sa PangMasa nga balor kini og P40, 000.

Since debut na ni Sarah sa Martes, July 25, hatagan siya og grand celebration sa ASAP '06 ugmang adlawa diin kompleto kini sa 18 roses, 18 candles and 18 treasures. Wala makahibalo si Sarah kung kinsa ang iyang mga maka-uban ug kung si kinsa ang iyang escort.

Nasayran sa PangMasa nga kadaghan mag ilis og gowns si Sarah, kay apil usab sa preparation ang iyang mother studio, ang Viva Entertainment.

Para kang Sarah ang pinakadako nga challenge sa iyang career mao ang teleserye niyang "Bituing Walang Ningning" nga maoy top-rater sa primetime block sa ABS-CBN sa pagkakaron ug ang pag-release internationally sa iyang album nga "Becoming".-- Maria Daisy Hurboda

Diether busy sa KIDS

Gisorpresa si Diether Ocampo sa iyang girlfriend (wife?) nga si Kristine Hermosa sa iyang birthday pinaagi sa usa ka dinner didto sa Promenade sa Ayala Greenhills diin gikauban nila ang pamilya ni Diet ug mga kasosyo sa negosyo.

Maampingon kaayo ang mga tubag ni Diet sa mga pangutana kabahin ni Kristine ug sa Mommy Mai-Mai niini nga matud pa ni Diet okay na sila.

Sa dihang gisukit-sukit kini kung nakabalik na ba siya og bisita sa balay ni Kristine miingon si Diet nga mubisita pa lang.

Bahin sa pagpakasal nila og balik ni Kristine gibutyag ni Diet nga giplanohan pa nila ang church wedding kay dili sila gusto nga magdali-dali ug mapareho nasad sa ming-agi. Busa matud pa niya magpa-abot nalang siya hilabi na nga daghan pa siya og gi-trabaho sa pagkakaron.

Busy si Diet sa iyang KIDS (Kabataan Inyong Dapat Suportahan) Foundation nga gitukod niya kauban sa iyang mga higala human nagpadala ang iyang mga fans gikan sa States og more than $ 2,000. Nahuna-hunaan niya nga itabang kini sa mga kabatan-onan nga nanginahanglan .

Nakakita siya kaniadto sa "The Correspondents" sa mga bata sa Benguet sa Mt. Province nga mumata og alas 3:00 sa kadlawon aron lang maka-iskwela diin magbaktas pa og upat ka oras una makaabot sa tunghaan nga kuwang usab sa kagamitan..

Lain pa nga gika-busy-han ni Diet mao ang taping sa fantaserye/ anime nga "Rounin" para sa channel 2 ug sa pagpadagan sa ilang Uno resto bar ug ang pagmantala sa A-List magazine ug Baby Couture nga circulated lamang sa Amerika.

Sa October, mag-taping sila ni Kristine og teleserye sa Malaysia, ubos sa direksyon ni Jerry Sinening.