Kris maldita o tinood nga tawo?

Usa ka avid fan ni Kris Aquino nga ginganlan og Jorge Pascual ([email protected] ) ang misuwat ngadto kang Manay Lolit Solis sa PangMasa aron paambitan ang iyang kasinatian sa una niyang pagkakita sa actress/TV host sa personal.

Si Pascual usa ka Kapampangan ug matud pa niya idol niya si Kris tungod kay usa kini sa mga maayo nga artista sa puting tabing. Miingon siya nga tanang salida ni Kris iyang gitan-aw. Pwes pagkahibawo niya nga guest si Kris ug Claudine Barreto sa "Homeboy", miabsent siya sa tunghaan diin siya magtudlo aron makatambong sa taping.

Ang guesting nila ni Claudine ug Kris sa "Homeboy" gipakita kagahapon og may kalabutan sa promotion sa ilang pelikula nga "Sukob" sa direksyon ni Chito Roño.

Isip pag-welcome sa duruha gipatekang pa sa "Homeboy" ang mga cadets sa PNP Cavite aron mosaludo ginamit ang ilang sinaw nga swords. Miingon si Pascual nga nakugang siya pagkakita kang Kris tungod kay labihan niini kaguapa ug gani miingon pa siya nga wala siyay kabutangan sa kalipay tungod sa maong kahigayonan.

Apan ang kasinatian ni Pascual magsugod pa lang. Matud pa niya nga sa wala pa magsugod ang taping giingnan ni Kris ang staff nga siguraduhon nga walay kalagot kaniya ang mga cadets. Apan naigo diay gayud si Kris kay naglengua kini ngadto kang Kuya Boy og " Natamaan ako," "Masakit ha!

"She is so cute making those remarks, I love her actions, a very down to earth person! The show was perfect and I kept clapping whenever my Kris would make a comment, weird ika nga. Just to show how powerful Kris is in ABS-CBN, she commented, "Ang lamig ha! You know what? The staff turned off their airconditioning units just to please her. And later on she commented, " Ang init naman ha! Kuya Boy said, complaints answered" and Kris said, Dapat pala di na ako nagko-complain kasi nakikinig sila sa akin," saysay ni Pascual sa iyang suwat.

Sa dihang nahuman na ang show, dali nga miduol si Pascual kang Kris aron magpa-autograph. Niadtong panahona bitbit niya ang certificate of appreciation nga hinatag sa iyang mga estudyante tungod kay plano niya nga kato na lang ang papirmahan sanglit bililhon kadto alang niya.

Dali nga miduol si Pascual kang Kris og miingon, " Kabalen pa autograph naman," dungan sa pagpakita sa certificate ug pagtunol sa ballpen. Dinhi mikomentaryo si Kris sa pag-ingon "What is that? Why would I sign in your certificate of appreciation?" ug diretso nga mitalikod dayong biya.

"Humiliated and embarassed? Not at all. I went home contented seeing her personally. I don't have pictures with her co'z my phone has no camera, I was not able to get her autograph but the memories of meeting and seeing her would always be cherished and treasured for the rest of my life. Long live Mam Kris!" paniguro pa ni Pascual isip reaksyon.

Pong pa niya nga sa sunod unya nilang kita kon itugot sa kahigayonan, sigurohon na niya nga duna na siyay gibitbit nga card nga gituyo niya paghimo alang lamang sa iyang idolo.

Wala motagam si TV host

Hayan mapalagpot sa iyang show ang usa ka female TV host kon dili siya mag-usab sa iyang batasan. Suma pa sa mga himantayon nga napagya na og maayo ang taho nga mulugwa sa telebisyon ang nahisgutan nga hubog. Gipanghimakak sa nahisgutan ang maong taho apan wala gihapoy hunong ang negatibong tabi batok kaniya.

Dugang tsika mao nga si TV host napalagpot na kaniadto sa kanhi niya show human masakpi nga migamit og "damo" atol sa usa sa ilang mga tapings.

Labihan niya nga nakangaab human matangtang sa maong show apan pong pa sa mga himantayon daw wala motagam si TV host.