Tibuok kalibutan,umaabot nga entablado ni Gary V.

Human sa 23- ka tuig nga paghari niya sa music industry misamot pa ang bidlisiw sa usa ka Mr. Pure Energy, Gary V. Imbes nga inanay nga motik-op ang siga sa iyang bitoon, mosiga pa hinoon kini og maayo ug hayan niining higayona matay-og na niya ang tibuok kalibutan pinaagi sa iyang musika. Kini tungod kay sunod tuig gikatakda nga molupad na siya ug ang iyang pamilya aron adto na manimuyo sa Los Angeles California sa ingon matubag niya ang tanyag nga ilusad siya didto isip gospel o inspirational singer.

Wala damha ni Gary nga sa pangidaron niya karon nga 41-anyos mouabot pa ang maong kahigayonan. Sama nga wala usab niya damha ang kanta niya nga "Could You Be Messiah" maoy moabli og agianan alang sa katumanan sa iyang pangandoy kaniadto nga suwayon pagsakop ang Estados Unidos sama sa iyang suod nga amigo nga si Martin Nievera. Apan karon pa lang gibati na og kaguol si Gary nga maghunahuna nga mahilayo na siya sa Pilipinas- ang nasud nga miabiba, mihangop ug mihatag og makabungog nga pakpak sa iyang musika.

Usa ka songwriter ug record producer nga maoy nagdala sa Fra Lippo Lippi dinhi sa nasud ning bag-o lang maoy momugna og luna alang kang Gary adto na unya sa Amerika. Siya mao si Craig Johnson kansang asawa usa usab ka screenplay writer. "When the Fra Lippo Lippi came up in ASAP he (Craig) was there. And he saw me from a distance and he said Gary, I said yeah. I did not know him so I walked up to him and he started to say I really, really need to talk to you,"pagtug-an ni Gary.

Tuod man namugna ang ilang panag-istoryahanay didto sa balay ni Gary mismo diin gipangutana siya ni Craig kon unsa pay buot niyang buhaton isip performer. Gitubag niya kini pinaagi sa pag-ingon nga buot pa niya nga momugna og musika ingon man mga concerts. Apan si Craig mihirit sa pagpangutana kon gawas sa maong mga laraw duna pa ba siya'y buot buhaton.

"I said I wanna go into film scoring. I don't want to learn how to score I want to learn how to engineer the score. So when you watch the films here, its not just the visual but the sound. I want to learn to produce songs, better music that sound right. I want to go deep into music production for both film and cd's and that's how I see myself doing in the future," pong pa ni Gary.

Dinhi ning tungora miingon si Craig nga ang bugtong paagi aron makab-ot ni Gary ang buot niyang mahuptan mao lang ang pagtapon ngadto sa Estados Unidos. Gitubag kini ni Gary nga nasayud siya nga tua didto ang maayong mga tunghaan aron makakat-on siya og maayo. Ug miingon si Craig nga, " I want to promote your inspirational songs in the states. And I asked him I'm 41, how do you expect a 41-year old man to be promoted? Then he said, your performance alone, people say, the doctors say you have diabetes but you can up on that stage, you can dance and you can pull out your 18-year old son and still have a show with him, that in itself is a testimony."

Giangkon ni Gary nga misuway siya og sulod sa music industry sa US kaniadto apan gilaay siya. "I did have offers before as way back as 1991. I did release an album in the States. I released an album in Japan. But honestly I don't feel at that point I was prepared to take on the responsibilities of being a popular person there. I became very ano eh, lax, I became complacent. Everything was given to me in a silver platter. So nawala yung hunger."

Sa pagkakaron, busy si Gary sa pag-promote sa iyang labing bag-ong album nga giulohan og "Relevance." Dinhi siya sa Sugbu niadtong Biyernes alang sa Gary V. Live At The Malls, free concert diin wala siya magtuo nga magpunsisok ang mga tawo, kasagaran mga batan-on. " After 23-years there are so many new ones, so many bands. And when you got there, these are young people. So I just, parang Wow! Maybe if this is the 11th year that's shocking enough. But 23 years? You can get very emotional of how far you've come."

Samtang nag-awas pa ang kalipay nga iyang gibati, nadawat usab niya ang balita nga nominado ang iyang kanta nga "Break Me" sa pipila ka kategorya sa MTV Pilipinas Awards sama sa Favorite Male Artist, Video of the Year, Best Editing in a Video, Best Cinematography, Favorite Pop Video ug Best Director alang kang Jeffrey Tan. Nakadawat usab sila og taho nga si Gary maoy nag-una sa survey sa Nokia isip Most Influential Artist in The Philippines. Bag-ohay lang usab napili si Gary isip Best Performance by a male artist alang sa 'Break Me" sa 40th Awit Award samtang nakadawat usab siya og Dangal ng Musikang Lahi Lifetime Achievement, kauban si Martin.

Sa pagkakaron hinay-hinay na nga gipahibawo ni Gary ang iyang mga kaubanan sa ASAP kalabot sa iyang gikatakda nga pagbalhin didto sa Los Angeles California. Hinoon dili gayud siya mawala dinhi sa hingpit tungod kay mahimo pa man siya nga muoli aron mo-record og album, base sa ilang nauyonan ni Craig. Apan karong September, panagsa na lang makita si Gary dinhi sanglit duna usab siya'y US Tour busa karon pa lang gibati na siya og kamingaw apan sa samang higayon kahinam ning iyang bag-ong panaw pagsakop sa tibuok kalibutan.