Handumanan sa usa ka bayot

Dear ate Misyel,

Sa di pa mobuto ang Mt. Apo day, I would like to greet my family- my mother, my father, brother and sister.

Okay, ako si Procopio Dos Andanas, tubong Negros. Ikaunom ko sa mga anak sa akong ginikanan, 12 mi tanan manag-igsuon. Ambot ba oi! Kugihan man kaayo ning akong inahan ug amahan mo-manufacture sa mga bata, saon man, perting bugnawa sa among lugar day labaw na kung gabii. Hahahahahayyy. Ana gyud!

Coping ang ilang itawag nako day, usa ako ka mahuyang. Gidawat na lang sad ko sa tanan namong miyembro sa pamilya kay malingaw man sila nako. Labaw na sa akong dagway'ng puryagaba! Ang tinuod nasugamak mi sa kagutom mga ateh. Diri sa Negros day, kami tanan mga saop, napudpud na ang mga koko sa pagtanom og tubo.

Nangapangag sad ning akong mga ngipon lupig pay tiguwang nako niini nga nagkayakmo na lang tungod wa nay teeth oi! Labihan ka! Buntag, udto hangtod hapon, gabii na lang daku tubo among kinaon. Lami pay mais ani, pweh! Naa pa hapit sad ko mamatay kay nakipag bugno ko og cobra sa katubhan. May na lang gani ako gipusposan hangtod napunggot ang ulo. Da adios lagi! Ibaligya unta nako ang apdo apan napisat gyud! In addition, ig-uli nako sa among balay, asus pagkasaba na lang man gyud. Nay mga manghod nako di mangundag hilak hangtod di makapang-os og kumo ay tubo di ay ateh.Bata pa gani sila nangagibang na ilang teeth kay sige'g kitkit og tubo. Faeyt!

Hay sa kapobrehon, namatay ang akong parents. Nasakit sila'g diabetes! Ang akong mga igsuon gipangsagop sa mga foreigner ug gidala sa gawas sa nasud. Swerte kay sila dunay magpakaon ngadto nila. Makakaon na gyud to sila og inun-unang pawikan, adobo ug uban pang putahi.

Ako! ako nalang usa nag-inusara na lang, luoy kaayo ko kay gigutoooom na! Sige lang gihapon bantay sa bukid nga bisan gamay wa koy luna! Pakpaki ko kay drama nani!

Diyes anyos wa ko sila makita muzta namo oi? Maayo mo diha sige lang mo og lamoy lami! Wa moy lamok diha, ako diri gidayungan sa lamok, pweh!

Gikalimtan na lang ko ninyo. Nagkaanuos na lang pislat ilong nako tungod sa lamparilya, samtang inyo diha poste! Naupaw sad ko sige'g buwad sa init, lagom pa gyud, mora'g walay ligo puryagaba ko day! pweh! Nay mga silingan sige lang pamantay sa akong buslot nga purol, kapoy baya ninyo pareha ra ta taga-bukid. Pakpak mo diha oi!

Nganong wa may misagop nako? Nganong yakmo man ko? Piyangak pa kay pislat ko'g ilong. Nangapangag na tanan akong ngipon, unsa man akong angayan kaunon. Napul-an nako og tubo day. Magluwa nako'g dugo sakit na sad akong buko-buko. Duna na ba koy sakit? Day wa nako magamit ang akong pagkabayot, wa mapusli ug labi na wa na koy purol puros gisi na. Di ba kaha ko madisqualified sa bang-anay og kabaw?

my email add: [email protected] or send to ABS-CBN Cebu, Northroad, Jagobiao c/o Inday Misyel. Madungog sa MOR 97.1 (4 to 6 a.m.) Monday to Friday. DYAB 1512 2 to 4 pm Sunday