Mga bag-ong kaplag

Actually mga manash, usa or maybe, duha or tolo sa akong hisgotan ron, dili kaayo bag-o sa showbiz tungod kay mga kapamilya man sad sila nga anaa na sa industriya. Ang akong gipasabot mao sila si JC Cuadrado, Chris Yan, June Philip Tar ug uban pa. Kini si JC Cuadrado nga usa sa gipaila na pod namo ni Mam Trixie L. Tolentino sa ABS-CBN, didto sa Table 7 dili pa dugay, pag-umangkon man ni anhing actor-golfer, Eddie Cuadrado nga nagdala sa screen name nga Eddie Arenas, usa sa akong mga idol kaniadto nga bana pod sa lain nakong kinaham nga si Lolita Rodriguez. [in fact I dreamed of becoming a dramatic actress like her, but I ended up as a comedian, how sad?]

Sa samang higayon, gipaila usab sila si Sergio ug Mhyco Aytona (mga sakop sa dance group nga Anime sa ABS-CBN) kinsa miangkon nga mas maayo kay kanila si Rayver Cruz, tungod lang kay bata pa si Rayver, exposed na man sa showbiz. Gikauban sad nila ang dili sad bag-o nga si Ricci, kadtong taray nga gay sidekick ni Carmina Villaroel sa usa ka tv drama sa GMA mga tulo na ka tuig ang nakalabay.

Samtang niadtong Domingo, Hunyo 18, didto sa Café Havana, human sa "ASAP 06" among nahimamat ang mga naglangkub sa Pinoy Big Brother Teen Edition diin of course kauban ang Big Winner nga Cebuana, si Kim Chiu kinsa, nakig tsika'g maayo sa mga sakop sa Cebu media.

Si June Philip Tar, (Felipe Tariman, Jr. ang tinuod nga ngalan), nga karon unta maoy among cameraman, apan kay may kaambong nga mahagpat, ug may mahagpat usab nga acting ability, paapilon usahay sa "Tres Metros-l ug sa sequel" Gani dako dako na gayod siya og role, ug maapil na gayod sa billing. Wa siya moggamit sa tinuod nga ngalan kay daghan na kaayong Jun, kay lead star ra ba nga si Jun Tenchavez (Jun usab) ingon man ang second lead, si Jun Abaincia kinsa, gitambagan usab nga moggamit na lang sa tinuod nga ngalan, Mateo Abaincia, Jr. Samtang ang tulo ka unano mga Jun usab.

Dungan niini ipaila usab sa sequel sa Tres Metros sila si Wilnard Banzon, Gilbert Lagumba ug Fritz Ace Segovia. Si Wilnard, nagpa audition unta para sa "Search For Singing Stars " Danao City edition, apan nabugnaw tungod kay wa niya masabti ang pamaagi sa coordinator didto busa wa na mopadayon.