Star Cinema miatras, mibalibad

Mipahibalo ang kadagkoan sa Star Cinema ngadto sa Metro Manila Film Festival 2006 Executive Committee nga ilang I-withdraw ang ilang official entry nga "Tanging Pamilya." Mao unta ni ang ikaduhang pelikula sa Star Cinema nga na-approve sa MMFF Screening Committee diin usa niini mao ang "Kasal, Kasali, Kasalo." Gipasabot sa Star Cinema nga dili nila mahuman ang shooting sa "Tanging Pamilya" tungod kay si Vhong Navarro maoy bida niini, nagsigi pa usab og shooting alang sa "Agent X-44."

Sa second movie usab sa Star Cinema, matud pa sa PangMasa nga wala pa'y siguro kung mahimo ba kini nilang Judy Ann Santos ug Ryan Agoncillo ang maong pelikula nga I-direct ni Joey Reyes tungod kay busy usab si Ryan sa "Philippine Idol" sa ABC-5. Sa nasayran si Ryan maoy host sa maong reality contest. Matud pa sa balita nga labihan na karon ka-busy ni Ryan sa iyang trabaho kay magsugod na ang Philippine Idol karong July 2006, sa samang higayon nga kanunay usab ang iyang taping sa "Bituing Walang Ningning."

Si direk Joey usab sa iyang bahin, busy sa iyang post production work sa iyang "I Wanna Be Happy" sa Seiko Films nga showing na karong Hulyo 12, ug siya usab ang nag-direk sa "Short Time," ang official entry sa Virgin Films sa MMFF festival.

Wala pa hinuoy formal announcement ang MMFF 2006 kung unsa ang pelikula nga ihulip sa "Tanging Pamilya." Apan hinoon nag-ong-ong karon ang "No Other Love" sa Regal Entertainment- usa ka drama movie nga pagabidahan nila ni Judy Ann Santos, Angel Locsin ug Dennis Trillo.

Soap ni Bea ug John Lloyd sugdan na

Mapasalamaton karon si Bea Alonzo ngadto kang direk Joel Lamangan tungod kay daghan siya og nakat-onan gikan sa naulahi samtang nagsige pa sila og shooting alang sa "Pacquiao, The Movie" "It's a dream-come-true," matud pa ni Bea. Gibutyag ni Bea nga nakulbaan siya og maayo dihang iyang nahibaw-an nga si Joel Lamangan ang director sa Pacquio, The Movie. Kini tungod kay daghan siya'g nadunggan nga "rigid" ang shooting hinungdan nga sa first shooting day, sayo kaayo ang maong actress miabot sa set.

Karon nga humana ang shooting sa 'Pacquiao", sugdan na usab ni Bea ugmang adlawa ang taping sa iyang bag-ong teleserye nga dunay working title nga "Maging Sino Ka Man" sa ABS-CBN. Dinhi ning maong teleserye banhawon ang love triangle nila ni Bea, John Lloyd Cruz ug Sam Milby nga napamatud-an na nga epektibo sa blockbuster movie nga "Close To You" under Star Cinema.

Kauban sa maong teleserye sila Christopher de Leon ug Chin-chin Gutierrez.

Megastar "back to school" na gyud

Excited ang mega star nga si Sharon Cuneta tungod kay last week, iyang nadawat ang first module niya para sa iyang pagbalik og tungha sa University of the Philippines Open University, diin mokuha una siya og Associate in Arts.

Gibutyag sa Mega Star nga madayon ang iyang pag-shooting kauban si Aga Mulach sa Star Cinema, ug adto kini himuon sa Canada. Apan bisan pa niini, matud pa ni Sharon nga padayon gihapon siya sa iyang pag-eskwela ug pagkuha og exams pinaagi sa internet.

Pwes karong gabi-i "back-to-school" usab ang iyang tema sa "Sharon" sa Channel 3 karong 8:45 p.m.

"Touching ang mga eksenang mapapanood mamayang gabi dahil namigay kami ng scholarships at iba pang benefits sa mga deserving students," matud pa ni Sharon.