LJ Moreno ug Jimmy Alapag kaslon

Duna nay laraw nga magpakasal ang guapo nga player sa Talk N Text nga si Jimmy Alapag ngadto kang L.J. Moreno. Suma pa sa PangMasa nga sa katapusan nadawat na si LJ sa mga ginikanan ni Jimmy.

Sa sinugdanan medyo supak ang mga ginikanan ni Jimmy tungod kay gidungog man nga magpakasal na si LJ ngadto sa basketbolista nga si Rob Wainwright,

Apan karon mibali ang hangin tungod kay miuyon na ang mga ginikanan ni Jimmy human nila makita nga pinangga sa dalaga ang ilang ulitawo, gani duna na silay plano alang sa ilang ugma pinaagi sa ilang negosyo nga 'Spaghetti Factory' nga tua mahimutang sa ground floor sa SM Manila.

Maayo ang dagan sa ilang negosyo, sama usab sa paghumot og balik sa career ni LJ diin apil siya karon sa noontime teledrama sa Channel 7, ang "Agawin Mo man ang Lahat sa Akin."

Kris nahimout ni James

Perteng lipaya ni Mama Kris Aquino tungod sa maayong performance nga gipakita ni Papa James sa on-going Gran Matador Brandy PBA Philippine Cup.

Nasayran sa PangMasa nga No. 1 si James sa MVP race human sa classification round. Buot ipasabot, si James ang main reason nganong No. 1 team ang Purefoods Chunkee sa pagkakaron nga nagpaabot na lamang sa ilang kontra alang sa semi-final round.

Gipangaliya gayud ni Kris nga madughit ni James ang MVP title human wala niini maangkon ang Rookie of the Year title sa nakalabay nga tuig sanglit si Rich Alvarez maoy nagmadaugon.

"Sana magtuluy-tuloy na ako," pong pa ni Papa James.

Eric Menk mikakak

Natarantar si Eric Menk makadali dihang kalit nga miduaw si Ara Mina sa PBA aron I-promote ang iyang album diin nataymingan nga ang Barangay Ginebra ang dunay duwa.

Gumikan niini walay klaro ang performance ni Eric tungod kay kon kahinumduman nalambigit ang basketbolista ngadto kang Ara hinungdan nga gidemalas siya.