Heart ug Echo tuig na

"Sweetheart" ang tawganay nila ni Heart Evangelista ug Jericho Rosales diin nag-usa na katuig ang ilang relasyon niadtong Biyernes nga sumad usab sa una nilang panag-uban sa Panday.

Sa maong teleserye usab nahitabo ang first screen kiss ni Heart ug matud pa niya dili na kato masubli pa gawas lang kong si Jericho maoy iyang partner, sanglit buot niya nga I-maintain ang iyang image.

Pwes pakyas si Dennis Trillo kon ugaling naghandom siya nga matilawan ang mga matam-is nga mga ngabil ni Heart isip iyang leading lady sa pelikulang "Rock 'n Roll" nga maoy ilang gigama karon ubos sa Regal Entertainment sa direksyon ni Quark Henares.

Gitug-an ni Heart nga excited siya sa maong pelikula tungod kay kini ang unang higayon nga Kapuso star ang iyang kauban samtang iyang gitug-an ngadto sa PangMasa nga duha na diay ka pelikula ang ilang gibalibaran ug kini mao ang "Huwag Kang Lilingon" sa Star Cinema ug "My Ghost" sa OctoArts Films.

Miingon si Heart nga dili siya ganahan og horror movies tungod kay murag nagdasig na hinoon siya sa buhat sa yawa ilabi na karon nga permanente na sila ni Echo nga moapil sa Victory Christian Fellowship.

Mitug-an usab si Heart ngadto sa PangMasa nga churchmate niya karon si Bea Alonzo, busa dili tinood ang mga intriga nga dili maayo ang ilang tinagdanay sama sa napagya kaniadto.