Taping sa "Lagot ka" na-personalan

Perteng hilak ni Benjie Paras human siya gisumbag ni Joey Marquez makatulo ka higayon dapit sa iyang dughan atoll sa taping sa ilang sitcom nga "Lagot Ka" niadtong Miyerkules sa gabii.

Suma pa sa kolumnista sa PangMasa nga si Christy Fermin nga simple ra kaayo ang sinugdanan sa maong away ug kana mao ang mga adlib ni Benjie nga maoy nakapa-ulbo sa kaspa ni Joey.

Nasayran nga guest si Lorna Tolentino sa maong episode diin papel sa babaye nga dunay amnesia busa aron maalegre bisan unsa na lang nga adlib ang gibuhian sa cast.

Dunay miingon nga "Artista ka! Artista ka!" apan nagpaka-aron ingnon si LT nga wala gihapon makahinumdom busa ang uban miingon nga, "Asawa ka ni Rudy Fernandez! Asawa ka ni Rudy Fernandez!"

Niining tungora kalit nga miingon si LT nga, "Ako si Alma Moreno! Oo nga, ako si Alma Moreno!" dayong duol kang Joey ug miingon, "Hindi ba, naging asawa rin kita?"

Okay ra kang Joey ang maong dayalog apan matud pa dunay adlib si Benjie nga wala mauyoni sa aktor-politiko busa pagkahuman sa eksena giduol niya ang basketbolista og giingan nga mahimo nga bugal bugalan ni Benjie ang bisan unsa nga bahin sa iyang kinabuhi basta dili lang ang may kalabutan sa inahan sa iyang mga anak.

"Kung nakakaya mong bastusin ang ina ng mga anak mo na parang wala kang pakialam sa damdamin ng mga anak mo, huwag ka nang mangdamay pa! Huwag mong gawin sa ina ng mga anak ko ang nakakaya mong gawin sa dati mong asawa!" pong pa ni Joey dayong sumbag kang Benjie makatulo ka higayon.

Juday, Dennis ug Angel ang mag-uban

Nausab na ang casting sa umaabot nga pelikula sa Regal Entertainment nga dunay working title nga "No Other Love" nga ubos unya sa direksyon ni Joel Lamangan.

Nasayran sa PangMasa nga dili na sila si Mark Herras ug Jennylyn Mercado ang bida niini kondili sila na si Judy Ann Santos, Angel Locsin ug Dennis Trillo kauban sila si Ms. Gloria Romero, Boots Anson Roa ug Eddie Gutierrez.

Samtang mikomedya si direk Joel,nga human sa binayot nga pelikula nga mao ang Manay Po, sumbagay na usab ang iyang giyak-an karon ug kini mao ang "Pacquiao". Human unya niini mobalik na usab siya sa binayot nga tema pinaagi sa "Zsa Zsa Zaturnah." Isusunod nga raw niya rito ang "No Other Love" .