Matt kanhi "callboy?"

Misamot ka lanog ang tahong 'callboy" kaniadto ang kanhi Pinoy Big Brother Teen Housemate nga si Matt ug gani pamilyar ang iyang nawong didto sa usa sa mga malls sa Cubao.

Suma pa sa kolumnista sa PangMasa nga si Christy Fermin nga "Bakal Boys" ang tawag sa sama kang Matt sanglit kanunay sila nga mag-standby gunad gabii hangtud sa kadlawon nga magsandig sandig sa mga barandilya nga naglibot sa Araneta Coliseum.

Suma pa nga sa usa ka mall didto sa Cubao nabanig usab ang mga "bakal boys" ug usa si Matt sa gitumbok sa tinubdan ni Christy nga kanunay nga makit-an didto kaniadto sa wala pa ang PBB.

Busa matud ni Christy nga anaa na karon kang Matt unsaon pagpatuyok ang bola sa mga panghitabo apan mitambag siya nga kinahanglang "magpakatotoo" ang batan-on, buot pasabot mas maayo nga dili siya mamakak hinunoa ibutyag niya unsay tinood.

Apan miingon usab si Christy nga bisan pa og tinood nga "callboy" kaniadto dili na kini importante sanglit maoy angayan hatagan og gibug-aton unsay iyang nabuhat sa sulod sa "Bahay ni Kuya" ingon man sa unsa pay iyang posibling mahimo sa umaabot.

Jamilla tak-om ang baba

Wala pa gihapon tubaga ni Jamilla ang taho dinhi sa Banat Hugyaw nga dunay Chinese businessman nga maoy nagsustento niya busa dili tinood nga naglisod siya sa iyang pagkinabuhi.

Sa iyang guesting sa The Buzz niadtong Domingo bugtong ang kalambuan lang sa mga operasyon nga gihimo ngadto sa iyang anak nga si Miggy ang iyang gipaambitan.

Matud pa nga angayan nga tin-awon ni Jamilla ang kalabot sa isyu sa DOM nga gilambigit ngadto kaniya sanglit usa kini sa mga hinungdan nganong gamay na lamang ang text votes nga gibubo sa mga fans busa gihinginlan siya gikan sa "Bahay ni Kuya."

Kahinumduman nga nabalita na dinhi sa Banat Hugyaw nga gikatakda na unta nga adto operahan si Miggy sa Amerika kon wala pa masulod si Jamilla sa PBB ug ang mogasto niini walay lain kondili ang DOM nga mao usay naghatag og luxury car ug nagbayad sa condo unit nga gipuy-an karon sa dalaga nga inahan.