Matud pa ni Kobe angayan nga hunungon una ang maong bangga, tan-awon og balik ang mga kalambuan sa indigay dayong punting sa ilang atensyon sa pagkaplag og tinood nga mga talento nga dunay star quality o sarang ikapanghambog.
Matud pa niya nga ang mao niyang suwat wala gitumong sa abilidad sa duha ka mga winners nga sila si Jonalyn Viray ug Gerard Santos, apan sa pagkatinood lang suma pa niya ang duruha walay star quality ug limitado ang kahibalo.
Suma pa ni Kobe tinood nga makakanta ang duruha apan dili gayud sila mga performers, kining tanan nasuta atoll sa second season sa PPS diin ang mga nakadaog wala gayud molambo sanglit nabalik balik lang ang ilang mga kanta nga mao usay ilang giawit atoll sa ilang mall shows. Pong pa ni Kobe, si Gerald, tulo ngadto sa upat lang ka kanta nga Pinoy ballads, samtang si Harry Santos mga kanta lamang ni Josh Groban ang nailhan ug si Denver Regencia maayo lamang sa R&B.
Gidugang ni nga bugtong si Aicelle Santos lamang ang ang mipakita og maayong labok apan napildi kini.
Miingon siya nga sayon ra ang paghatag og minilyon isip ganti, apan ang pangutana nga nagtangag og dakong ganti mao nga tukma ba ang nahimong desisyon? Nangutana usab siya kon ang mahigugmaon sa musika mokarag ba og tan-aw sa mga pasundayag sa mga nagpakadaug ingon ba mopalit ba sila sa mga albums niini?