Kwarenta minutos una ma-Captain Barbell

Labihan ka kuti isul-ob sa costume ni Richard Gutierrez isip Captain Barbell, tiaw mo kana nga 40 minutes kini una mapahaom gayud sa lawas sa guapong aktor ug magkinahanglan usab og laing 40 minutes aron paghubo niini.

Una ninyong nahibaw-an dinhi sa Banat Hugyaw nga ang mihimo sa maong costume mao si Miles Teves, kinsa mao usay migama sa gipangsul-ob sa mga American Superheroes sama nilang Superman, Robocop, Batman ug Spiderman.

Pwes mipasalig si Teves nga dili angay kabalak-an kon labihan ka dugay hubuon ug isul-ob ang maong costume tungod kay elastic kini, meaning igo ra kining mainat ug dili gayud magisi.

Nasayran nga nagproblema si Annabelle Rama sa iyang pagdala sa maong costume tungod kay tulo ka mga dagkong carton ang iyang gi-transport dinhi sa nasud.

Kini tungod kay gipadala usab diay ang mannequin nga maoy nag-sul-ob sa imported nga costume ni Richard.

Bianca Lapuz mabdos?

Taason nga lalaki ug taas usab ang buhok sa bag-ong "papa" ni Bianca Lapuz nga maoy gihulip niya kang Ced Torrecarreon nga karon nalambigit kang IC Mendoza.

Kanunay nga makitang manuroy ang duruha sa mall apan dili masiguro sa tinubdan sa PangMasa kon mabdos ba si Bianca gumikan kay tambok man kini busa dili maklaro ang tiyan.

Duna man guy tsismis nga mabdos ang ex-wife ni Vhong Navarro apan sa true lang, miingon ang mga himantayon nga dili sila interesado sa maong taho sanglit hagbay ra nagbuwag sila si Bianca ug ang komedyante.

Gani dugay na usab nga gipa-annul ni Vhong ang ilang kasal ni Bianca ug gani kon tinuod nga mabdos ang inahan sa iyang anak, mas mapadali pa ang annulment case nga iyang giduso ug posibli nga pabor gayud unya ngadto kaniya ang desisyon.

Patrick Kapuso na gayud

Malipayon si Patrick Garcia nga mibalhin siya sa GMA Network. Dungan niini gitin-aw niya nga dili tinood nga nakigsabot na siya ug ang iyang manager daan sa GMA-Artist Center bisan og wala pa mapopos ang iyang kontrata ubos sa Star Magic.

Matud pa niya gisunod niya ang nalatid sa iyang kontrata ug sa dihang milayat na siya sa pikas network bitbit na niya ang release paper gikan sa abs-cbn human mahuman ang iyang kontrata karong May 2006.

Apil si Patrick sa Captain Barbell isip si Levi nga amigo ni Teng, ang usa pa ka character ni Richard Gutierrez.