Pagka "two timer" ni Anne dili na bag-o

Dili na angayan nga ikahibulong ang mibuto karon nga tsismis nga sila na si Anne Curtis ug Luis Manzano ang uyab karon tungod kay hagbay ra kining gibalita dinhi sa Banat Hugyaw.

Kahinumduman nga two months ago pa mibuto ang maong taho dinhi sa Banat Hugyaw pinaagi usab sa mga detalye nga gipaambitan sa PangMasa.

Naglumba og limod sila si Anne ug Luis kaniadto kalabot sa maong taho ug ang ilang pangangkon mao nga going strong as in walay problema ang relasyong Anne Curtis ug Paolo Araneta.

Apan niadtong Domingo sa The Buzz hingpit na nga miangkon si Anne nga buwag na gayud sila ni Paolo apan igo lang siya nga miingon nga dili pa sila uyab ni Luis apan ang nauwahi maoy miunong karon niya sa iyang kasub-anan.

Pwes ang dugang taho nga nahuptan sa PangMasa nga si Paolo pa mismo maoy nakigbuwag kang Anne tungod kay dili kini makatuo nga sa iyang pagpangga ug pagmahal sa dalaga, makaako pa kini og budhi niya diin si Luis ang gitumbok nga third party.

Napulo ka tuig ang age gap nila ni Anne ug Paolo apan wala kini mahimong babag sa ilang relasyon kaniadto hinungdan nga daghan ang nausikan sa nahitabo kanilang duruha.

Hinoon miingon ang mga himantayon didto sa kaulohan nga dili na bag-o ang maong scenario diin nahug nga mabudhion si Anne sanglit nahitabo na kini kaniadto tali kanila ni Oyo Boy Sotto ug Cogie Domingo.

Gani gikataho pa nga nagsumbagay ang nahisgutang mga lalaki tungod kay nag-ilog sila sa dalaga. Mga taga Dos mo-"ober da bakod"

Daghan ang mga talents sa Kapamilya ang gikatakda nga mangambak paingon ngadto sa nataran sa Kapuso karong umaabot nga mga adlaw base sa taho sa usa ka staff sa GMA-7 nga nahinabi sa PangMasa. "Naku, mahirap na, baka mapagalitan po ako. Kasi, 'yung iba, talagang malalaking pangalan sa kabila. Baka maging issue. Basta ang masasabi ko lang, marami sila," pong pa sa staff.

Kung nganong manglayat ang maong mga talents dili makatubag ang staff apan ang mga himantayon didto sa kauluhan nagtuo nga kini tungod kay daghan sa mga talents sa ABS-CBN ang wala na matagad sa Star Magic.