Hukman si Sarah Geronimo sa BWN

Daghan karon ang excited motan-aw sa laing remake teleserye sa ABS-CBN human natapos sa miaging Biyernes ang Gulong Nang Palad, ang Bituin Walang Ningning.

Ang teleserye nga usa ka sikat nga pelikula ni Sharon Cuneta niadtong 1985, ang Bituing Walang Ningning nga karon usa na ka soap opera nga gibidahan ni Sarah Geronimo isip Dorina.

Gibidahan pud nilang Angelika dela Cruz isip Lavinia. Ang papel na Lavinia gibidahan kaniadto ni Cherie Gil nga nagpasikat sa famous line nga "You're nothing but a second-rate trying-hard copycat!"

Ang BWN ni Sarah, ang unang soap opera niya sa telebisyon, maoy maghukom kaniya isip actress. Apan very confident si Mr. Vic del Rosario nga malampasan ni Sarah with flying colors ang gi-expect kaniya sa mga tao.

"Nakita ko na ang first few episodes at nakita ko kung gaano niya na-justify ang role ni Dorina," matud pa ni Boss Vic na producer sa original nga pelikulang Bituing Walang Ningning.

Well, atong atangan ang kinatibuk-ang storya sa BWN ugma sa gabi-i.

* * *

Pressure karon ang gwapitong actor nga si Jericho Rosales. Ti-aw mo kana, dili lang pang-Panday kun dili pang-Pacquiao pa ang iyang papel karon sa pelikula ug telebisyon.

Masayran nga idol ni Jericho si late Fernando Poe Jr. ug sikat nga boksingero nga si Manny "Pacman" Pacquiao. Sa Panday, mala-FPJ si Echo diin maayo kaayo niyang pagkadala sa maong teleserye sa ABS-CBN, diin si Toto Natividad ang nag-direct niini. Sa Pacquiao, si Joel Lamangan ang nagtudlo kaniya kung unsa-on mahimong boksingero.

"Nagpapasalamat nga ako. Sa dalang ng pelikula ngayon, mabibigat pang roles itong naibigay sa akin," matud pa ni Echo.

Dibdiban ang atensyon nga gihatag ni Echo sa duha niya ka mga roles.

Sa dihang buhi pa daw si FPJ, gusto daw sa maong Da King nga makuyog sa pelikula si Pacquiao.

Sa dihang naa pa sa probinsya si Echo didto sa Bicol, mahilig daw kini sa boxing pero nailog ang iyang atensyon human siya nasulod sa showbiz diin siya ang nakadaog kaniadto sa Mr. Pogi sa Eat Bulaga. Kung wala pa daw kuno siya nasulod sa showbiz, boksingero na kuno siya karon.