Baby ni Jackie masakiton

Dunay sakit sa kasingkasing ang gipanganak ni Jackie Forster busa wala malikayi nga nangutana ang mga himantayon kon epekto ba kini sa kaguol nga gibati sa iyang inahan sa dihang nagmabdos kini.

Nasayran nga gibiyaan si Jackie sa iyang non-showbiz boyfriend nga maoy amahan sa bata busa ang mga himantayon nanawagan nga angayan nga tabangan sa naulahi ang inahan sa bata.

Kini tungod kay bisan unsaon og tuwad tuwad siya gayud maoy amahan sa bata, ug nga dili basta basta ang galastuhan sa ospital.

Midugang sila nga kon dili siya makabarug isip responsabli nga amahan ngadto sa bata angayan nga magpadala na lamang kini og salapi nga sarang magasto.

Lani semana ra dinhi

Miabot na dinhi sa Pilipinas ang magtiayong Noli ug Lani Misalucha apan usa ra sila ka semana dinhi ug mobalik ra usab sila dayon sa Amerika.

Kini tungod kay labihan ka daghan sa commitment ni Lani nga gibiyaan niya didto sa Las Vegas diin gikagubtan siya didto isip performer.

Two years ago mibiya si Lani sa nasud kuyog ang iyang tibuok pamilya aron manimpad diin dili sama sa uban, hilom siya nga mibiya dinhi sa nasud.

Gimingaw og maayo si Lani sa Pilipinas busa ugmang adlaw molugwa siya sa SOP aron mahimuot ang iyang fans kinsa gibatig kaguol human siya mibiya.

Dunay pre-nuptial agreement?

Gikatahong mipirma og pre-nuptial agreement ang boyfriend ni Ai-ai nga si Wilfredo Hinahon Jr. kinsa gikataho nga nagpakasal sa comedy queen didto sa Calatagan Batangas niadtong Mayo siete.

Dili pa matubag ni Ai-ai ang nanggawas nga taho tungod kay milupad siya paingon sa Amerika alang sa series of concerts kauban sila si Regine Velasquez, Rico J. Puno ug Ogie Alcasid.

Suma pa nga nahabilin si Wilfredo dinhi sa Pilipinas tungod kay wala pa kini US visa.

Samtang nakaila diay ang broadcast journalist nga si Arnold Clavio kang Wilfredo tungod kay kauban sila niini sa badminton club ug matud pa maayo kaayo ang naulahi sa nahisgutan nga sport.