Giselle sumsuman sa saway

Napuno karon sa saway si Giselle Sanchez human niya gipanghambog nga gihagad siya ni Dennis Rodman nga "magtagay sila sa lawasnong kalipay."

Kini tungod kay dunay bana ug anak si Giselle ug ang iyang gibuhat makadaot sa mga Pilipina inay makatabang, gawas pa nga dili angayan ipanghambog tungod kay dili na sikat si Rodman.

Gani, pong pa sa mga himantayon nga dili angay hatagan og gibug-aton si Rodman sanglit wala man gani kini makig-istorya sa iyang amahan bisan na lang unta isip pagtan-aw og utang buot.

Pirated copies nag-una na

Dunay mga obserbasyon nga kawang ang pagbabag sa simbahang katoliko sa pagpasalida sa kontrobersyal nga "Da Vinci Code" dinhi sa Pilipinas.

Kini tungod kay nasayran sa Banat Hugyaw nga duna nay mga pirated DVD copies nga gipang-apod apod karon sa aseras ug gidugok sa kadaghanan.

Nahibaw-an usab nga nagbaha na ang pirated copies sa maong salida didto sa Timog Avenue didto sa kauluhan bisan pa man og sunod semana pa kini gikatakda nga ipasalida sa mga sinehan, kana kon hitugtan sa MTRCB.