Mandauehanon, talented

Atol sa launching sa Mantawi Festival, nga didto gipahigayon sa Krua Thai sa SM City, nangutana si Roger Serna ni Mandaue City Mayor Teddy Ouano kon dili ba sila mokuha og iladong celebrities sa Manila, sama sa Lapulapu City nga nagkuha og mga artista alang sa "Kadaugan sa Mactan." Mitubag si Mayor Teddy nga dili na kono kinahanglang manguha pa sila'g celebrity para sa Mantawi Festival kay mga talented kono ang mga Mandauehanon. Unsa man kono'y kapuslanan sa mga talents sa Mandaue kon dili nila gamiton? Gani, dili pa sad dugay, gipasigarbo gyod sa dakbayan sa Mandaue ang ilang School for the Arts nga miani og mga pagdayeg human sa usa ka buwan nga malampusong concert tour didto sa Estados Unidos. Tiaw mo kana? Gidayeg ang mga Mandauehanon sa ilang mga talento unya manguha na hinoo'g ubang talents sa gawas sa dakbayan. Dili ba dakong tamparos sa mga talents sa Mandaue City? Sakto gayud si Mayor Ouano.

Tuod, nalipay ko nga atol sa Talents Night sa Miss Mandaue 2006 sa miaging Lunes, nagkita na pod mi si Cathy Flores Cabahug, ang maanyag nga anak ni Mandue City Councilor Raul "Pokang" Cabahug ug Looc Barangay Captain Edith Flores Cabahug, nga usa sa mga talents sa award winning Visayan TV series. "Pro-Life" ug nagdumala sa Edith's Beauty Secrets. Usa si Cathy sa Board of Judges, timaan nga may talent gyod siya. Ang ubang mga judges mga talented usab, bisa'g ang usa kanila, si Gani Villarojo [sa grupo nga SAKDAP], dili taga Mandaue, pero ang uban, Mandauehanon gyod, sila si Cherryl Ouano, City Councilor Glenn Vercede, ug choreographer- fashion director, Ritchie Mendoza.

Tidbits:

Mga pahalipay ngadto sa gwapo ug talented usab kaayo ug nindot kaayog PR ug labaw sa tanan, model ug star material nga anak nila ni Mayor Teddy ug Maam Linda Ouano, Thadeo Jovito M. Ouano nga maoy gipasidunggan sa Jollibee isip Regional Managing Director of the Year. Buot ipasabot, dili kay guapo lang ug nindot og PR, maayo pang moduma og negosyo, asa mo mangahoy ana? Naay mga pobre diha, tapulan pa, mangasuko pag dili hatagan og sigarilyo, magyawyaw pag sugoon. Dili sama nilang Paolo Y Gonzales ug Jonkie Ouano nga polos adunahan , mga guapo pa, way bisyo, nindot ug PR, kugihan pa, di ba Jude Bacalso? Unya inyo nang itandi sa Lapu-lapu City? Kinsa may PR sa Lapu-lapu City? Tingog mo diha.