Extra Challenge wagtangon na

Kumpirmado na nga sa May 26 na lamang kutob ang Extra Challenge, base sa official statement sa GMA-7 nga nahuptan sa PangMasa ug gipadala usab dinhi sa Banat Hugyaw.

Suma pa nga nauyonan sa GMA Network management ug sa mga tagdumala sa Extra Challenge nga humanon na ang nahisgutan nga show samtang pabilin pa sila nga No. 1 reality show.

Gipahimug-atan sa management nga human sa 90 ka mga tema, 600 episodes nga napasalida ug labaw sa 550 challenges nga napakita, wala nay angayan nga pamatud-an pa ang Extra Challenge.

"Consistently winning the numbers game, Extra Challenge toppled more than ten shows pitted by the rival network and was one of the flagship programs that helped GMA-7 become the number one network."

Tungod niini gipasalig sa GMA Network nga duna ra unya silay ilusad nga bag-ong matang sa reality programs sa umaabot ug ang mga tawo nga naggama sa Extra Challenge mao ra gihapon unya ang maglangkub niini aron mas motaas pa ang kalidad.

Duha ang bayot sa teen housemates?

Dunay duha ka housemates sa PBB Teen Edition nga mga bayot suma pa sa usa ka himantayon nga nahinabi sa PangMasa, kinsa sa paglusad pa lang sa maong show niadtong nakalabay nga semana daan nang mipalanog sa iyang opinion.

"May naamoy akong dalawa, pero mas masangsang yung isa, amoy na amoy ko na siya ngayon pa lang," pong pa sa himantayon.

Ug matud nga usa kanila labihan gayud ka bayot ug gani "Neneng" man ang tawag sa iyang mga classmates ug kaila sa tunghaan.

"Sinasabi ko na noon pa sa inyo, malansa ang bagets na yun kahit anong pagmamalaki pa ang kanyang gawin, hindi maitatago ang tunay niyang gender," dugang pa sa himantayon nga miingon nga ang mga manan-away nalay mahibaw nga moila kinsa ang mga Eva nga nagtakuban nga mga Adan. Snooky mabdos?

Misamot kalanog ang kaniadto mga huhungihong lang nga mabdos si Snooky Serna ug walay laing gitumbok nga amahan kondili ang iyang batan-on nga boyfriend nga si Nino Mendoza.

Suma pa sa mga himantayon nga hayan mao kini ang hinungdan nganong gikataho nga nagpakasal na ang duruha niadtong Sabado.

Nahibong ang mga balhiboon og baba nganong nagdali si Snooky pagpakasal ngadto kang Nino kon ugaling tinood kini, nga unta bag-o pa man nga na-annul ang ilang kasal ni Ricardo Cepeda. Apan duna usay miingon nga kon dili man mabdos si Snooky pwes basin og nag-uros uros lang gayud ang gugma niini alang kang Nino.