Mikee sundon ni Precious Lara

Si Mikee Cojuangco diay ang idol ni Miss International Precious Lara Quigaman, hinungdan nga sama sa nahisgutan gipaninguha niya nga wala gayuy kissing scene sa movie niya kauban si Senador Bong Revilla bisan pa man og magtiayon sila sa pelikula.

"So, kung nagawa niya 'yun, bakit naman hindi ko rin puwedeng gawin," pong pa ni Precious nga nahinabi sa PangMasa.

Iyang gipaniguro nga mas nindot pa hinoon ang ilang mga eksena ni Bong bisan og walay kissing scene, tungod kay suma pa niya duna pa may laing mga paagi aron mapakita ang paghinugmaay sa mga magtiayon.

Nahuman na ang shooting ni Precious sa maong pelikula ug mao na usay iyang isunod ang "Umaaraw, Umuulan" ubos sa Heaven's Best Entertainment, diin kauban niya si Ryan Agoncillo, and again wala gihapoy kissing scene bisan pa og love story kini.

Mas una diay nga gitanyag ang "Umaaraw, Umuulan" nga maoy unang proyekto sa magsuong Herbert, Hero ug Harlene Bautista isip mga producers.

Ubos kini sa direksyon ni Richard Arellano diin lakip sa mga artista mao sila si Vice Bistek, Mariel Rodriguez, Joel Torre and Chanda Romero.

Si Luigi Santiago, ang direktor sa ABS-CBN nga bag-o lang gipusil ug namatay maoy nagsuwat busa nahug og tribute ang maong pelikula ngadto kaniya.