Jackie miikyas sa ospital, nagpafacial

Wala pa manganak si Jackie Forster ug ang tsika nga naka-confine kini sa usa ka hospital samtang nagpaabot kanus-a siya magbati.

Apan suma pa nga niadtong nakalabay nga adlaw migawas gyud ang Jackie sa hospital ug midalikyat pag-adto sa usa ka derma clinic aron magpa-facial.

Samtang walay komentaryo si Benjie Paras sa mga drama ug kontrobersya karon nga nalambigitan sa iyang kanhi asawa.

Aldred gihilakan sa mga Vilmanians

Daghan ang naguol ug nausik kang Aldred human siya midesisyon nga mogawas sa 'Bahay ni Kuya" niadtong Sabado sa kagabii gumikan kay matod pa niya dili niya mahimong isakripisyo ang gugma niya alang sa iyang mga ginikanan ug pamilya.

Suma pa sa kolumnistang sa PangMasa Christy Fermin, nagpusot-pusot ang mga text nga nagpadayag nga nausik sila kang Aldred sanglit naglaum man unta sila nga usa siya sa mosulod sa Big Four sa nagpadayon nga Pinoy Big Brother Teen Edition sa ABS-CBN.

Lakip sa mga naguol ug mihilak gyud mao ang mga Vilmanians sanglit nahimo na nilang paborito si Aldred ug gani pipila kanila mipadayag nga andam sila nga mosuporta sa bayong bayong kon ugaling modesisyon kini nga mag-artista.