Sandara, gibatig kaanyag

Naobserbahan nga mibalik na usab ang pagsalig ni Sandara Park sa iyang kaugalingon ug madungog na usab ang iyang mga buhakhak, sanglit maayo ang kita sa iyang comeback movie nga "D Lucky Ones."

Ang tsika sa PangMasa mao nga mitekang diay si Sandara ug Joseph Bitangcol sa Punchline Music Café niadtong Martes sa gabii aron magpasalamat sa tanan nga mitan-aw sa iyang pelikula.

"Sobrang saya ko po, thank you talaga sa lahat ng nanood ng movie, I'm so happy dahil malaki ang kinita ng D' Lucky Ones," balik-balik ni Sandara.

Of course murag gihulmigas sa katam-is ang tinagdanay nila ni Joseph ug Sandara diin matud pa, giagak gayud siya sa ulitawo hangtod nga nakanaug sa entablado ug gihungitan pa og pagkaon sa dihang nahibalik na sila sa ilang lamesa.

Murag rayna ang gibati ni Sandara niadtong mga gutloa sanglit naa kanunay sa iyang kiliran si Joseph aron mo-alalay niya. Apan bisan pa man niini wala pa gihapon mawala ang pagka-"selosa" ni Sandara diin bisan bayot ang mopaduol sa iyang uyab iyang ikasuko.

Shining moment ni Roxanne

Gihatagan og higayon sa ABS-CBN nga mapamatud-an ni Roxanne Guinoo ang iyang acting potential pinaagi sa usa ka eksena sa Gulong ng Palad diin namatay ang iyang igsuon.

Suma pa nga maayo ang gipakita ni Roxanne ug wala gayud siya magpa-alkanse sa arte nga gibuhiin usab ni Christine Hermosa.

Istrikto diay ang pamilya ni Roxanne diin dili siya basta-basta nga makagawas sa ilang balay kon walay igong rason hinungdan nga perteng lipaya sa iyang mga higala nga nakakuyog siya nila ni Sandara didto sa Punchline.

Piolo, idol ni Raphael

Si Piolo Pascual ang idolo ni Raphael Martinez kinsa kauban niya sa teleserye nga 'Sa Piling Mo" tungod kay matud pa niya labihan ka mapaubsanon ug ka matinabangon sa aktor.

Busa perte nga dayeg ni Raphael kang Piolo tungod kay matud pa niya gitabangan gyud siya sa aktor aron matarong niya ang iyang esena diin gikulata siya sa aktor nga hapit na ipakita.

"Idol ko si Kuya PJ dahil kahit sikat na sikat na siya, e, ang bait-bait pa rin niya, hindi siya mayabang at mapag-demand, kung ano ang meron sa set, okey na siya," pagdayeg ni Raphael.

Jason dunay potensyal

Dunay gigama nga pelikula karon si Jason Abalos ubos sa Seiko Films ug karon pa lang gikahinaman na kini og maayo sa iyang mga fans human sa arte nga iyang gipakita sa "Vietnam Rose" kaniadto, diin mismong si Maricel Soriano maoy nidayeg niya.

"Malayo ang mararating ng batang 'yun! May angat ang pagganap niya, bagito pa lang si Jason, pero kita mo nga agad na meron siyang ibubuga," pong pa sa Diamond Star.

Lumad nga taga Pantabangan Nueva Ecija si Jason, busa simple ra siya nga tawo ug matud pa sa PangMasa pabiling matinahuron hangtud karon.