Sam, nalupigan ni Ella

Si Ella Guevarra ang labing busy karon nga child actress sa telebisyon sanglit left and right ang iyang mga proyekto diin nag-una niini ang Encantadia, Love To Love: Season 10 ug Now And Forever Presents Duyan.

Kining tanan bisan pa og dili si Ella ang napili nga winner sa Starstuck kids search sa GMA-7 kaniadto hinungdan nga giintriga siya karon nga mas sikat pa kay ni Sam Bumatay.

Apan tubag ni Ella sa dihang nahinabi sa PangMasa mao nga amiga sila ni Sam busa dili siya buot nga himoan silang duha og intriga.

"Bida naman po si Sam sa Ay Robot. Tapos nasa Majika rin siya. Kaya busy rin po siya," pong pa ni Ella.

Bilib usab ang mga directors nga migunit kang Ella sa iyang mga projects tungod kay puro kini drama apan wala gyud maglisod ang nahisgutan nga bata tungod kay matud pa maayo kini nga mo-internalize sa iyang roles.

Sa pagkakaron ang labing lisud nga project ni Ella mao ang Duyan tungod kay matud pa mas daghan siyag eksena nga hinilakay itandi sa Encantadia ug Love To Love.

Katigi ni Ella sa acting karon sa "Duyan" mao si Ella Cruz, ang bata nga Sabina sa Majika nga matud pa maayo usab nga mohilak ug giisip ni Ella nga suod niya nga higala.

Dili pulihan

Bisan og dili si Makisig Morales ang nahimong grand champion sa Small Division sa "Little Big Star" sa ABS-CBN, (si Rhap Salazar ang winner), padayon gihapon nga siya maoy bida sa "Super Inggo" ang umaabot nga labing bag- o nga pambata nga fantaserye sa ABS-CBN.

Gani nasayran sa PangMasa nga nagsugod na ang taping ni Makisig bisan pa niadtong wala pa ang grandfinals sa Little Big Star diin makauban niya sila si Angelu de Leon.

Si Angelu maoy ipuli sa role nga gibalibaran ni Angelika dela Cruz human nabalaka nga basin kontrahan siya sa mga tawo kong super kontrabida ang iyang papel.

Apil usab sa maong serye si Mark Anthony Fernandez.

Gary V. dunay movie

Nakigtagbo na si Gary V. kang Dondon Monteverde of Reality Entertainment (usa sa mga producers sa "Exodus" niadtong MMFF 2005) ug kang direk Erik Matti alang sa usa ka pelikula.

Nasayran usab sa PangMasa nga ang maong pelikula mao usay mahimong launching project sa duha ka mga anak nga lalake ni Gary nga sila si Paolo ug Gabriel.

Malipayon si Gary tungod kay si Mother Lily Monteverde ang naghatag kaniya og break niadtong 1986, sa pelikulang "Horsey, Horsey," ug human sa 20 ka tuig, si Dondon nga anak ni Mother Lily na usab ang mohatag og break ngadto sa duha niya ka mga anak.