Ang tsika sa PangMasa mao nga nagtoo ang kadaghanan nga 'mahinhin" ang pambato sa Tarlac nga si Janna apan nakugang nalang ang mga himantayon human mikatap ang taho nga gidungan niini ang iyang mga kauban nga si Vivo Ouano ug Bugz Daigo.
Ang tinubdan sa PangMasa mao nga unang nauyab ni Janna si Vivo apan ilang gitago sanglit wala man itugot nga mag-uyab-uyab ang mga contestants sa Starstruck samtang nagpadayon pa ang indigay.
Pwes matud pa nga na-shock na lang si Vivo sa dihang nasayod siya nga misugot usab si Janna nga mangulitawo niya ang atong paisano nga si Bugz.
Suma pa nga mao pay pagbuwag ni Bugz ug Jackie Rice niadtong panahona sa dihang nanguyab ang nahauna kang Jana, nga matud pa gisugot usab sa dalaga nga taga Tarlac.
As expected, nabugnaw si Vivo kang Jana busa ang ulitawo maoy dali nga nakigbuwag sa dalaga tungod kay dili niya madawat nga gidungan silang duha ni Bugz.
Sa pagkakaron matud pa sa source sa PangMasa nga nag-pa-cute na usab si Jana ngadto kang Chuck Allie sanglit ang ulitawo gikan sa Davao mao gayuy iyang gusto sa sinugdanan pa.
Apan ang dugang tsika mao nga " wa epek" ngadto kang Chuck ang mga "kadramahan" ni Jana bisan pa og sila na karong duha ang gi-build up isip loveteam.