Snooky nihupas na gyud

Gikatahong nagyawyaw ang mga producers sa nagkadaiyang talk-shows karon sa Manila tungod sa ka mahal sa talent fee nga pangayoon ni Snooky Serna kauban sa iyang uyab nga si Nino Mendoza.

Ang nakapaet matud pa mao nga sa ka mahal sa gipangayo nga talent fee nahibaw-an nga wala mo-rate ang talk show nga diin milugwa sila si Nino ug Snooky busa nahug nga alkanse ang mga programa nga mokuha sa duruha.

Kini tungod kay suma pa wala ganahi ang mga tumatan-aw sanglit klaro kaayo ang kadako sa gintang sa edad nila ni Snooky ug Nino diin bagets ra kaayo tan-awon ang naulahi itandi sa aktres.

Encantadia mahuman na

Wala nay extension ang Encantadia- Pag-ibig Hanggang Wakas. Gani base sa taho sa PangMasa sa April 7 na lang kutob ang taping sa tibook casts busa karon pa lang wala nay tugpahay ang mga artista nga naglangkob sa maong telepantaserye.

Suma pa nga gihangyo ang mga artista nga magbuntagay ang taping hangtod sa Biyernes diin misugot ra usab sila tungod kay dili sila buot nga maapektuhan ang ilang bakasyon atol sa Holyweek.

Nancy retokada

Dunay mga mikomentaryo nga wala nay lami tan-awon si Nancy Castiglione sanglit klaro kaayo nga dunay giparetoke sa iyang nawong.

Suma pa nga makalibog ang gibuhat ni Nancy tungod kay guapa na siyang daan ug gani mas nindot siyang tan-awon kaniadto sa iyang natural beauty nga inosente.