Away sa salapi

Kagahapon namantala dinhi sa Banat Hugyaw nga wala na kapugngi ni Assunta de Rossi ang iyang kaugalingon ug maisogon kini nga mipasangil kang ABS-CBN big boss Gabby Lopez nga gipatay ang iyang career.

Wala maklaro kagahapon kon nganong ingon niadto ang pamahayag ni Assunta. Pwes ania ang pipila ka katin-awan.

Gipalanog ni Assunta nga nag-away-away karon ang mga Lopezes, meaning pamilya sa iyang bana nga si Jules Ledesma ug ang mga Lopezes sa ABS-CBN nga kadugo ra nila.

Nasayran nga kabtangan nga nasunod ni Jules maoy hinungdan sa away ug matud pa ni Assunta nga gisigehan sila og harass gumikan niini.

Matud ni Assunta nga naluoy na siya sa iyang bana tungod kay hapit kada-adlaw na lamang kini nga gi-harass sa iyang mga kadugo gumikan lagi sa mga kabtangan nga nasunod o naangkon sa kanhi kongresista.

Samtang gipasabot ni Assunta nga nahiubos gyud siya sa ABS-CBN tungod kay gipapirma siya og three year exclusive contract apan wala siya tagai og proyekto.

Matud niya nga tulo siya ka tuig nga nag-antos nga walay permanente nga income tungod lagi kay napiit siya sa iyang napirmahan nga kontrata diin wala matuman ang gikasabutan.