Ryan duna nay anak, Juday nahibawo na

Nagpatong-patong karon ang mga isyu batok ni Ryan Agoncillo. Ang labing uwahi nga isyu ug dili gyud maayo nga intriga mao nga duna nay duha ka tuig nga anak nga lalake ang nahisgutang uyab ni Judy Ann Santos.

Ang tinubdan sa PangMasa namahayag nga mismo ang junior superstar nasayod na sa maong taho ug naglaraw na sila karon nga tabangan pagpasabot ang pamilya sa aktres.

Suma pa sa tinubdan nga ang maong anak maoy hinungdan nga gibuwagan si Ryan sa iyang uyab nga si Pamela kaniadto ug matud pa ang inahan sa bata, sinaligan ni Ryan sa iyang kwarta sa usa ka negosyo diin kasosyo ang TV-host.

Si Ryan nga nakuhaan og pamahayag sa PangMasa wala molimod ug wala usab mitino sa maong taho ug ang bugtong pamahayag lang niini mao nga, "Ano ba naman yun?" "Naku, lumala na nang lumala ang issue."

Kompleto ang detalye nga nahuptan sa PangMasa kalabot sa maong taho lakip na ang ngalan sa maong babaye. Gani miingon ang tinubdan nga sa higayon nga kuyogon ni Ryan ang bata, ipaila kini niya nga pag-umangkon.

Samtang hugtanong gipanghimakak ni Ryan ang isyu nga ang tinood nga hinungdan nganong wala siya makakuyog kang Juday ngadto sa Hawaii mao nga wala siyay U.S. Visa.

"Meron po akong US visa, kapapa-renew ko pa lang po, meron talaga. The reason why I was not able to go with Juday in Hawaii is my condition. Nanghihina pa po ako ngayon, pero I'm okey na, pati ang mga rashes sa buong katawan ko," pasabot ni Ryan.