Angelika way suwerte sa gugma?

Dunay mikatap karon nga taho nga ang uyab ni Angelika dela Cruz mao ang amahan sa gimabdos usab karon ni Jackie Forster kinsa gitakda nga manganak karong pila ka adlaw.

Kasaligang tinubdan sa PangMasa miingon nga hagbay na nga nagbuwag si Jackie ug ang nahisgutang lalake sa dihang nahibaw-an ni Jackie nga nagsabak diay siya.

Matud sa source nga imposibli nga wala masayod si Angelika nga ang iyang boyfriend maoy nakapamabdos ni Jackie sanglit kanunay man sila nga mag-uban.

Tungod niini, miingon ang mga himantayon nga ang makapahibong mao nga hapit na lang tanang lalake nga malambigit kang Angelika mga ulitawo nga amahan, sama na lang nila ni Jericho Rosales, Victor Neri ug Kempee de Leon?